سرینگر//سرینگر۔جموں شاہراہ زمینی تودے گر آنے اور پتھر کھسکنے کے نتیجے میں جمعہ کو مسلسل دوسرے روز بھی ٹریفک کیلئے بند ہے۔
ٹریفک حکام کے مطابق بانہال اور رام بن علاقوں کئی جگہوں پر زمینی تودے گر آئے ہیں اور درجنوں مقامات پر پتھر کھسک رہے ہیں۔
ان مقامات میں شیر بی بی،مون پاسی،رامسو،پنتھیال،ڈگڈول،بیٹری چشمہ،مونکی موڑ،کلاموڑ،مارونگ،ترشول موڑ اور چندرکوٹ شامل ہیں۔
انہوں نے کہا کہ شاہراہ پر150کے لگ بھگ درماندہ گاڑیوں کو گذشتہ شام نکلنے کی اجازت دی گئی لیکن تازہ تودے گر آنے کے بعد شاہراہ کو پھر سے بند کرنا پڑا۔
حکام کا یہ بھی کہنا ہے کہ مسلسل تودے گر آنے اور پتھر کھسکنے کی وجہ سے بحالی کام میں بھی رکاوٹ پیدا ہورہی ہے۔
