سرینگر//جنوبی ضلع شوپیان میں جمعہ کے روز فورسز اور جنگجوﺅں کے مابین جوتصادم شروع ہوا اُس میں آخری اطلاعات ملنے تک دو جنگجو جاں بحق ہوئے تھے جبکہ فورسز کا آپریشن جاری تھا۔
یہ تصادم قصبہ شوپیان سے چند کلو میٹر دور کلورہ علاقے میں جاری ہے۔
پولیس نے اپنی ایک ٹویٹ میں اس بات کی تصدیق کی کہ جاری فورسز آپریشن کے دوران دو جنگجو جاں بحق ہوئے ہیں جن کی شناخت ہونا ابھی باقی ہے۔
اس سے قبل فوج، پولیس اور سی آر پی ایف نے کلورہ میں جنگجوﺅں کی موجودگی کی مصدقہ اطلاع ملنے کے بعد گاوں کو محاصرے میں لیا اور تلاشی آپریشن شروع کیا۔
اس دوران فورسز اور جنگجوﺅں کو آمنا سامنا ہوا اور طرفین نے ایک دوسرے پر گولیاں چلائیں۔
