بھوپال// وزیر اعظم نریندر مودی نے غریبوں اورمحروم افراد کے مفاد میں کام کرنے کے اپنے عزم کا اعادہ کرتے ہوئے بدھ کو کہا ہے کہ ملک میں پچھلے 6 برسوں میں غریبوں کے مفاد میں جتنے منظم طور پر کام ہوئے وہ پہلے کبھی نہیں ہوئے۔ مودی نے سڑک کے کنارے ٹھیلا لگاکر یا فٹ پاٹھ پر کام کرنے والوں [ اسٹریٹ وینڈرس] کے لئے شروع کی گئی 'پردھان منتری سونیدھی یوجنا' کے تحت ویڈیو کانفرنسنگ کے ذریعہ مدھیہ پردیش کے ایک لاکھ سے زیادہ مستفدین سے خطاب کیا۔ مودی نے کہا کہ مرکزی حکومت کی تمام اسکیمیں اس طرح ایک دوسرے کو جوڑ کر بنائی گئی ہیں کہ غریبوں ، مظلوموں ، استحصال کے شکار، محروموں، دلتوں اور قبائلیوں کے وسیع تر مفادات پہنچ سکے۔ گذشتہ چھ برسوں میں جس طرح سے اس سمت میں منظم کام کیا گیا ، ایسا پہلے کبھی نہیں ہوا تھا۔
مودی نے ضلع اندور کے سانور کے رہائشی جھاڑو بناکر فروخت کرنے والے جوڑے، گوالیار میں چاٹ فروخت کرنے والی ایک خاتون اور اس کے کنبہ کے افراد اور ضلع رائے سین کے سانچی کے رہائشی سبزی فروخت کرنے والے شخص سے بھی بات چیت کی۔
