نئی دہلی// وزیر اعظم نریندر مودی نے آنے والے دنوں میں تہواروں، موسم سرما اور معیشت کی حالت کے پیش نظر عالمی وبا کوڈ 19 کے خلاف تحفظ کے لئے جمعرات کے روز ایک ’عوامی تحریک‘ کا آغاز کیا۔ انہوں نے نعرہ دیا ’جب تک دوائی تب تک ڈھلائی نہیں‘۔
مودی نے ٹویٹ کرتے ہوئے کہا ”آیئے کورونا سے لڑنے کے لئے متحد ہوں! ہمیشہ یاد رکھیں، ماسک پہنیں۔ اپنے ہاتھوں کو صاف رکھیں۔ سماجی فاصلے بنائے رکھیں۔ دو گز کی دوری رکھیں“۔ انہوں نے لکھا ”جب تک دوائی تب تک ڈھلائی نہیں“۔
ایک اور ٹویٹ میں وزیر اعظم نے لکھا ”ملک میں کووڈ۔19 کے خلاف جنگ لوگوں کے ذریعے لڑی جارہی ہے اور ہمارے کورونا جانبازوں کو اس سے بہت زیادہ طاقت ملتی ہے۔ ہماری اجتماعی کوششوں سے بہت سی زندگیاں بچانے میں مدد ملی ہے۔ ہمیں اس لڑائی کو جاری رکھنا ہوگا اور ہمارے شہریوں کو وائرس سے بچانا ہوگا“۔
قبل ازیں اطلاعات و نشریات کے مرکزی وزیر پرکاش جاو¿ڈیکر نے بدھ کے روز کہا تھا کہ کورونا سے دفاع کا ہتھیار ماسک پہننا، معاشرتی فاصلے پر عمل کرنا اور بار بار ہاتھ دھونا ہے۔ اس اصول کے بعد عوامی مقامات پر ان اقدامات کے بارے میں بیدار پھیلانے کی مہم چلائی جائے گی۔
