سری نگر//جموں و کشمیر میں شمالی ضلع کپوارہ کے کیرن سیکٹر میں فوجی اہلکاروں نے پاکستان کے زیر انتظام کشمیر سے ہندوستانی سرحد میں ہتھیار سپلائی کرنے کی پاکستان کی کوشش کو ناکام بناکر خود کار ہتھیاروں سمیت بڑی تعداد میں گولہ بارود برآمد کیا ہے۔
وزارت دفاع کے ترجمان کرنل راجیش کالیا نے سنیچر کو بتایا کہ کنٹرول لائن پر پہرہ دے رہے فوجی اہلکاروں نے دو سے تین جنگجوﺅں کو کیرن سیکٹر میں کشن گنگا دریا کے پار سے ایک رسی سے بندھی ایک ٹیوب میں کچھ سامان لے جاتے ہوئے دیکھا۔
کرنل کالیا نے بتایا کہ فوج نے فوراً وہاں پہنچ کر تلاش مہم شروع کی جس کے دران اسلحہ و گولہ بارود بر آمد کیا گیا۔
