سرینگر//حکام نے منگل کو بتایا کہ سیکورٹی فورسز نے ضلع پونچھ کے مینڈھر علاقے میں چار کلو گرام ہیروئن جیسی اشیا بر آمد کی ہے۔حکام کو شبہ ہے کہ منشیات کی یہ کھیپ کنٹرول لائن سے سمگل کرکے لائی گئی ہے۔
ایس ایس پی پونچھ رمیش انگرال کے مطابق پولیس اور فوج کی ایک مشترکہ پارٹی نے دھرگولون مینڈھر علاقے میں تلاشی آپریشن کے دوران ہیروئن جیسی چار کلو گرام منشیات کی کھیپ بر آمد کرلی۔
انہوں نے کہا کہ اس سلسلے میں پولیس سٹیشن گورسی میں ایف آئی آر نمبر89درج کرکے تحقیقات کا آغاز کیا گیا ہے۔
انگرال کا مزید کہنا تھا کہ ابتدائی شواہد سے پتہ چلتا ہے کہ منشیات کو کنٹرول لائن کنٹرول لائن سے سمگل کیا گیا ہے۔
یہ ضلع پونچھ میں گذشتہ 20دنوں کے دوران منشیات کی چوتھی بھاری کھیپ ہے جس کو ضبط کیا گیا ہے۔
