سرینگر//ضلع ترقیاتی کونسل انتخابات کے ساتویں مرحلے میں بدھ کو صبح11 بجے تک مجموعی طور28.24فیصد ووٹنگ درج کی گئی۔
یہ ووٹنگ حسب سابق صبح سات بجے شروع ہوئی اور یہ دوپہر دو بجے تک جاری رہے گی۔
الیکشن حکام کے مطابق پہلے چار گھنٹوں کی پولنگ کے دوران کشمیر وادی کے ضلع پلوامہ میں 6.58فیصد،بارہمولہ میں29.29فیصد،کولگام میں8.81فیصد، شوپیان میں3.30فیصد،اننت ناگ میں12.50فیصد،بانڈی پورہ میں39.76فیصد،گاندر بل میں22.22فیصد،کپوارہ میں25.13فیصد اور ضلع بڈگام میں 26.11فیصد ووٹنگ ریکارڈ کی گئی ۔
ان اعداد و شمار کے مطابق اسی طرح جموں صوبے کے کشتواڑ میں38.02فیصد،اُدھمپور میں36فیصد،جموں میں27.94فیصد،کٹھوعہ میں38.47فیصد،رام بن میں31.44فیصد،ڈوڈہ میں29.49فیصد،سانبہ میں39.13فیصد، پونچھ میں43.20فیصد،راجوری میں36.45فیصد اور ضلع ریاسی میں35.70فیصد ووٹنگ درج کی گئی ۔
سرکاری اعداد و شمار میں مزید بتایا گیا ہے کہ پہلے چار گھنٹوں کی پولنگ کے دوران وادی کشمیر میں کل ملاکر20.55فیصد جبکہ جموں صوبہ میں34.63فیصد ووٹنگ ریکارڈ کی گئی ۔
