سرینگر//پولیس نے پیر کو بتایا کہ اُنہوں نے جنوبی ضلع پلوامہ میںجیش سے وابستہ جنگجوﺅں کے دو اعانت کاروں کو گرفتار کرلیا۔
ایک بیان کے مطابق پولیس،فوج اور سی آر پی ایف نے ایک مشترکہ کارروائی کے دوران ونتی پورہ، ترال علاقے میں جنگجوﺅں کے مذکورہ اعانت کاروں کو گرفتار کیا۔
پولیس کے مطابق گرفتار شدگان جنگجوﺅں کو پناہ اور دیگر مدد فراہم کرنے میں ملوث ہیں۔
گرفتار شدگان کی شناخت شیزان گلزار بیگ ساکن گڈی کھل چرسو اور وسیم الرحمان شیخ ساکن مڈورہ کے طور کی گئی ہے اور اُن سے دھماکہ خیز مادہ اور قابل اعتراض مواد اشیا بر آمد کرنے کا دعویٰ کیا گیا ہے۔
پولیس کے مطابق گرفتار شدگان سوشل میڈیا کے ذریعے پاکستانی زیر انتظام کشمیر میں مقیم جنگجو کمانڈروں کے رابطے میں تھے ۔ان میں سے ایک پاکستانی زیر انتظام کشمیر بھی گیا تھا جہاں اُس نے جنگجو کمانڈروں سے ملاقات کی تھی۔
اس ضمن میں پولیس سٹیشن اونتی پورہ میں ایف آئی آر نمبر7کے تحت کیس درج کرکے مزید تحقیقات شروع کی گئی ہے۔
