واشنگٹن // امریکی صحافی پلمیری کی نجی زندگی کی تحقیقات کرنے اور اسے جان سے مارنے کی دھمکی دینے پر امریکی وائٹ ہاوس کے ڈپٹی پریس سیکریٹری ٹی جے ڈکلو کو ایک ہفتے کے لئے معطل کردیا گیا ۔
وائٹ ہاوس کے پریس سیکریٹری جین ساکی نے گذشتہ روزجاری ایک بیان میں کہا کہ مبینہ طور پر ایک خاتون رپورٹر کو دھمکی دینے کے بعد صدر جو بائیڈن کے نائب پریس سکریٹری کو تنخواہ کے بغیر ایک ہفتہ کے لئے معطل کردیا گیا ہے۔ انہوں نے مزید کہا ”اس کے علاوہ ، جب وہ کام پر واپس آئیں گے توتب بھی انہیں کسی صحافی کے ساتھ کام کرنے کی اجازت نہیں ہوگی۔ یہ بھی مانا جا رہا ہے کہ یہ پہلا شخص ہے جو صدر کے مقرر کردہ معیار کے مطابق کام نہیں کررہا ہے“۔
انہوں نے کہا کہ ڈکلو نے ذاتی طور پر پالمیری سے ان کے اس سلوک پر معافی مانگ لی ہے۔
