تحصیلدار بونجواہ کے زیر صدارت صحت اجلاس

کشتواڑ//ضلع ترقیاتی کمشنرکشتواڑ کی ہدایت پر تحصیلدار بونجواہ ارشاد احمد بٹ نے تحصیل ہیڈ کوارٹر بونجواہ میں ایک صحت میٹنگ کی صدارت کی جس میں عوام کو مرکزی سرکار کی طرف سے صحت کی سکیموں  کے بارے میں فوائد حاصل کرنے کے بارے میں بتایا گیا۔تحصیلداربونجواہ نے خط زیر نمبر GEN/TB/206-13مورخہ 04/08/2021کو تمام ممبران کو مقررہ وقت اور تاریخ کے مطابق اجلاس میں شرکت کے لیے کاپیاں ارسال کیں تھی لیکن باجود اسکے بی ڈی او سمیت 6 سرپنچ اس میٹنگ میں غیر حاضر رہے ۔بی ڈی او بونجواہ 06منتخب سرپنچوں اور درجنوں پنچوں کے ساتھ اس حقیقت کے باوجود میٹنگ میں شرکت کرنے میں ناکام رہے کہ خط میں تمام سرپنچوں سے درخواست کی گئی تھی کہ وہ تمام پنچوں کے ساتھ میٹنگ میں شرکت کریں۔ ان کے متعلقہ پنچایت حلقوں اور بی ڈی اوبونجواہ کو ہدایت دی گئی کہ وہ تمام پی آر آئی کو اجلاس میں شرکت کی ہدایات دیں۔جبکہ اس کے علاوہ مختلف پنچوں نے بھی عوام میں صحت اسکیم کے بارے میں آگاہی کے حوالے سے میٹنگ میں شرکت نہیں کی۔ تحصیلدار بونجواہ نے تمام سیکٹرل افسران کو صحت اسکیم کے فوائد اور گولڈن کارڈز کی 100 فیصد رجسٹریشن اور عام لوگوں میں بڑے پیمانے پر آگاہی پیدا کرنے کے بارے میں آگاہ کیا۔تحصیلداربوبنجواہ نے سختی سے ہدایت کی کہ 100 فیصد رجسٹریشن کو وقت کے ساتھ مکمل کیا جائے۔ میٹنگ میں میڈیکل آفیسر، بی ایل او ، آشا ورکرز ، وی ایل ای اور دیگر نے بھی شرکت کی۔