کشتواڑ// ملک گیر جشن"آزادی کا امرت مہوتسو"کے سلسلے میں ڈگری کالج چھاترونے کالج کی جانب سے ہفتہ وار سرگرمیوں کے طور پر آج موسیقی ، رقص اور مصوری کے مقابلوں کا انعقاد کیا۔ تمام تقریبات کالج کے انچارج پرنسپل ڈاکٹر عاشق حسین کی مجموعی نگرانی اور رہنمائی میں ہوئی ۔اس موقعہ پر ڈاکٹر عاشق حسین نے کہا کہ کالج کے طلبا نے مختلف مقابلوں میں جوش و خروش سے حصہ لیا جس سے انہیں اپنی صلاحیتوں اور اعتماد کا مظاہرہ کرنے کا موقع ملا۔ گلوکاری اور رقص کے مقابلوں نے نوجوان گلوکاروں اور رقاصائوں کو آگے آنے اور ایک مجازی پلیٹ فارم پر گانے کی ترغیب دی۔ طلبا نے "حب الوطنی" کے موضوع پر مختلف گانے پیش کیے اور پورے اعتماد اور حب الوطنی کے جذبے کے ساتھ مختلف گانے گائے۔ مصوری مقابلے کے ایک حصے کے طور پر طلبا نے اپنے فن اور ہنر کو دکھایا اور قومی آزادی اور قومی انضمام کے موضوع پر مختلف نقش تیار کئے۔ گانے کے مقابلے میں ، چوتھے سمسٹر کے محمد اویس نے پہلی پوزیشن حاصل کی ، دوسری پوزیشن نصار احمد اور ثانیہ محبوب ملک نے حاصل کی اور تیسری پوزیشن راج کمار کو ملی۔ پہلے سمسٹر کی سنگیتا دیوی کو گانے کے مقابلے میں خصوصی انعام دیا گیا۔ رقص اور مصوری کے مقابلوں میں پھر سے سمسٹر اول کی سنگیتا دیوی نے پہلی پوزیشن حاصل کی اور پہلے سمسٹر کی ثانیہ تبسم نے پینٹنگ مقابلے میں دوسری پوزیشن حاصل کی۔
