ناظم باغبانی کا کٹھوعہ،ادھم پور میں پھلوں کی نرسریوں کا معائنہ

جموں //ڈائریکٹر ہارٹیکلچر جموں رام ساواک نے اودھم پور اور کٹھوعہ اضلاع کا وسیع دورہ کیا۔ڈائریکٹر نے ادھم پور ضلع میں گورنمنٹ فروٹ پلانٹ نرسری بڈولہ کا دورہ کیا۔ ان کے ہمراہ چیف ہارٹی کلچر آفیسر ادھم پور اور محکمہ کے دیگر افسران تھے جہاں انہوں نے مدر بلاکس اور نرسری بستروں کا معائنہ کیا اور بڈولہ نرسری میں ھٹی کے پھل کے پودوں کو ٹائپ کرنے کے لیے 75 فیصد سے زیادہ معیار کی پیداوار کے لیے موقع پر ہدایات جاری کیں۔ انہوں نے میر نرسری ، پنچاری میں اخروٹ کے تیار کردہ پودوں کی پیداوار بڑھانے کے لیے افسران کو ہدایت بھی کی۔بعد ازاں ڈائریکٹر نے ضلع کٹھوعہ کا دورہ کیا جہاں انہوں نے کیپیکس سکیم کے تحت بالترتیب گاو¿ں ڈنگا امب اور ماہی چک گاو¿ں ڈنگا امب اور ماہی چک میں 80 کنال کے رقبے پر پھیلے ہوئے آم اور ھٹی کے کمپیکٹ ہائی ڈینسٹی پلانٹیشن کا افتتاح کیا۔ دورے کے دوران گاو¿ں جنگلوٹ ، کٹھوعہ میں ایلوویرا پودے کا معائنہ بھی کیا گیا۔چیف ہارٹیکلچر آفیسر کٹھوعہ ششیل کمار انگورانا نے ڈائریکٹر کو مختلف اسکیموں کے مختلف اجزاءمیں ہونے والی پیش رفت سے آگاہ کیا۔ڈائریکٹر ہارٹیکلچر نے افسران/اہلکاروں پر زور دیا کہ وہ جوش اور لگن کے ساتھ کام کریں اور سال 2021-22 کے لیے محکمہ کی مختلف مرکزی اور ریاستی سپانسر اسکیموں کے تحت مختص اہداف کے حصول میں کوئی کسر نہ چھوڑیں۔