جموں// لیفٹیننٹ گورنر کے مشیر فارو ق خان نے یہاں امتحان میں پہلی پوزیشن حاصل کرنے والے طالب علم تنمے گپتا کے گھر جاکر انہیں اوران کے والدین کو مبارکباد دی۔ مشیر فاروق خان نے اُمید ظاہر کی کہ این اِی اِی ٹی ٹاپر مستقبل میں بھی بہترین کارکردگی کے لئے کوشاں رہے گا۔ لیفٹیننٹ گورنر کے مشیر فاروق خان نے تنمے گپتا کے کنبے کے اَفراد کے ساتھ بات چیت کرتے ہوئے کہاکہ اُن کے بیٹے کی کامیابی بہت سے دوسرے خواہشمندطلاب کے لئے تحریک کا کام کرے گی ۔اُنہوں نے کہا کہ وہ نہ صرف اَپنے والدین بلکہ پورے جموںوکشمیر کا نام روشن کرنے میں کامیاب ہوئے۔ مشیر موصوف نے تمنے گپتا کے اساتذہ اور اہل خانہ کے تعاون کی تعریف کرتے ہوئے کہا کہ اُنہوں نے ان کے خواب کو شرمندہ تعبیرہونے میں مدد کی۔مشیر فاروق خان نے مزید کہا ،’’ تمنے گپتا کی کامیابی تمام طلباء کے لئے ایک تحریک کا کام کرے گی اور انہیں اَپنے مقاصد کو حاصل کرنے اور اَپنے متعلقہ شعبوں میں بہترین کارکردگی کے لئے کوشش کرنے کی ترغیب دے گی۔‘‘
مشیر فاروق خان این ای ای ٹی ٹاپر کے گھر گئے
