سرینگر // منی کالونی چھانہ پورہ علاقہ آوارہ کتوں کا مسکن بن گیا ہے۔مقامی لوگوں نے کشمیر عظمی کو بتایا کہ علاقے میں کتوں نے عام لوگوں کا جینا ہی مشکل کیا ہے۔ انہوں نے کہا کہ اب چھوٹے بچوں اور بزرگوں کا گھروں سے باہر نکلنا بھی محال ہوگیا ہے کیونکہ یہ کتے کسی بھی وقت حملہ کرتے ہیں۔انہوں نے بتایا کہ دن ہو یا شام، کالونی میں گلی کے ہر نکڑ پر آوراہ کتوں کے جھنڈ گومتے رہتے ہیںجنہیں دیکھ کر ہی راہ گیر خوف زدہ ہوجاتے ہیں۔مقامی لوگوں نے بتایا کہ مسجد بلال کے آس پاس بھی کتوں کے جھنڈ دکھائی دیتے ہیں جو ہرآنے جانے والوں کیلئے کبھی بھی خطرہ بن سکتے ہیں۔ ہائر سکنڈری سکول کی پچھلی طرف بھی کتے موجود رہتے ہیں جن کی وجہ سے سکولی بچوں اور عام راہ گیروں کیلئے مشکلات پیدا ہورہے ہیں۔مقامی لوگوں نے سرینگر میونسپل حکام سے اپیل کی ہے کہ بستی کوآوارہ کتوں سے نجات دلائی جائے کیونکہ انکا باہر نکلنا، خاص کر بچوں کا سکول، یا ٹیوشن جانا محال بن گیا ہے۔
منی کالونی چھانہ پورہ میں آوارہ کتوں کی ہڑبھونگ
