ملک دشمن عناصرپردبائو بنائے رکھاجائے | دلباغ سنگھ نے بڈگام میں تفتیشی مرکز عمارت کا افتتاح کیا

جموں// ڈائریکٹر جنرل پولیس دلباغ سنگھ نے منگل سہ پہر بڈگام کا دورہ کیا جہاں انہوں نے مشترکہ تفتیشی مرکز کی عمارت کا افتتاح کیا۔اس دوران انہوں نے افسران اور جوانوں سے بھی تبادلہ خیال کیا۔اس موقعے پرڈی جی پی کے ہمراہ ایسپیشل ڈی جی سی آئی ڈی آر آر سوین اور آئی جی پی کشمیر وجے کماربھی تھے۔ایس ایس پی بڈگام طاہر سلیم خان نے ان کا استقبال کیا اور ان کی آمد پر انہیں گارڈ آف آنر پیش کیا گیا۔نئی تعمیر شدہ عمارت کا معائنہ کرنے کے بعد ڈی جی پی نے افسران سے تبادلہ خیال کیا۔انہوں نے انہیں مزید چوکس رہنے اور ملک دشمن عناصر اور ان کے حامیوں پر دبا ڈالنے کی ہدایت کی۔ انہوں نے افسران پر زور دیا کہ وہ ان لوگوں اور OGWs کی نشاندہی کریں جو ملک دشمن عناصر کی حمایت کرتے ہیں اور جنگجویت کے نظام کو برقرار رکھنے میں ان کی مدد کرتے ہیں۔ انہوں نے جموں و کشمیر پولیس سمیت دیگر سیکیورٹی فورسز کی حالیہ کامیابیوں کی سراہنا کی۔ انہوں نے کہا کہ فورسز کے درمیان ہم آہنگی ہمارے لئے ہمیشہ مفید رہی ہے اورملک دشمن عناصر کے خلاف کامیابی حاصل کرنے کے لیے تمام قوتوں کا نچلی سطح پر رابطہ واضح ہونا چاہیے۔ڈی جی پی نے افسران پر زور دیا کہ عسکریت پسندی مخالف سرگرمیوں اور امن و امان کی صورتحال سے نمٹنے کے دوران شہریوں کی سہولت اور سیکورٹی کو ہمیشہ مدنظر رکھا جانا چاہیے۔ انہوں نے کہا کہ جموں و کشمیر کے لوگ  جموں و کشمیر پولیس کیشانہ بہ شانہ کھڑے ہیں۔اس موقع پر موجود ایس ایس پی بڈگام اور دیگر افسران نے ڈی جی پی کو ضلع میں پرامن ماحول کو یقینی بنانے کے لیے کیے گئے حفاظتی اقدامات سے آگاہ کیا۔