سری نگر// وادی کشمیر میں گلمرگ کو چھوڑ کر شبانہ درجہ حرارت نقطہ انجماد سے اوپر درج ہوا ہے اور موسم بھی فی الوقت خشک ہے۔
محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران بالائی علاقوں میں درمیانی درجے کی بر ف باری اور میدانی علاقوں میں بارشیں ہو سکتی ہیں۔
انہوں نے کہا کہ تازہ مغربی ہوائیں جموں وکشمیر میں داخل ہونے والی ہیں جن کے نتیجے میں 6 اور7 مارچ کو وادی کے میدانی علاقوں میں بارشیں جبکہ بالائی علاقوں میں درمیانی درجے کی برف باری متوقع ہے۔
انہوں نے کہا کہ وادی کے کپوارہ، بارہمولہ، بانڈی پورہ، بڈگام اور گاندربل اضلاع کے بالائی علاقوں میں خراب موسم کے زیادہ اثرات رہ سکتے ہیں۔
ان کا مزید کہنا تھا کہ بعد ازاں 8 اور 9 مارچ کو بھی موسم خراب ہی رہنے کا امکان ہے۔
ادھرسیاحتی مقام گلمرگ کے بغیر شبانہ درجہ حرارت نقطہ انجماد سے اوپر درج کیا گیا۔
گرمائی دارلحکومت سری نگر میں کم سے کم درجہ حرارت 5.8 ڈگری سینٹی گریڈ ریکارڈ کیا گیا جو گذشتہ شب 4.0 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی 2.0 ڈگری سینٹی گریڈ ریکارڈ کیا گیا جو گذشتہ شب منفی 5.4 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت 1.2 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی 3.4 ڈگری سینٹی گریڈ ریکارڈ ہوا تھا۔
گیٹ وے آف کشمیر کے نا سے مشہور قصبہ قاضی گنڈ میں کم سے کم درجہ حرارت 3.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 2.2 ڈگری سینٹی گریڈریکارڈ ہوا تھا۔
سرحدی ضلع کپوارہ میں کم سے کم درجہ حرارت 5.8 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت 2.1 ریکارڈ کیا گیا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی 2.5 ڈگری سینٹی گریڈ ریکارڈ کیا گیا جبکہ ضلع کرگل میں منفی 9.8 ڈگری سینٹی گریڈ اور قصبہ دراس جو سائبیریا کے بعد دنیا کی دوسری سرد ترین جگہ ہے، میں کم سے کم درجہ حرارت منفی 5.0 ڈگری سینٹی گریڈ ریکارڈ کیا گیا۔
دریں اثنا وادی میں اتوار کو بھی صبح سے موسم خشک مگر ابر ا?لود رہا اورا?فتاب اور بادلوں کے درمیان دن بھر سنگھرش جاری رہا۔
وادی میں ماہ مارچ شروع ہونے کے باوجود بھی لوگوں کو دن میں بھی گرمی کے لئے دفتروں، کارخانوں، دکانوں اور دیگر کام کی جگہوں پر گریمی کا انتطام کرنا پڑتا ہے۔
علاوہ ازیں جموں میں کم سے کم درجہ حرار ت 14.0 ڈگری سینٹی گریڈ ریکارڈ کیا گیا کٹرا میں 12.7 بٹوٹ میں 7.7، بانہال میں 7.1 اور بدرواہ میں 5.9 ڈگری سینٹی گریڈ ریکارڈ کیا گیا۔
