سری نگر//مزکری وزارت داخلہ نے منگل کو لوک سبھا کو بتایا کہ جموں و کشمیر میں 2020 تک تین سالوں میں غیر قانونی سرگرمیاں روک تھام ایکٹ (یو اے پی اے) کے تحت کل 750 افراد کو گرفتار کیا گیا۔
وزارتِ داخلہ کے وزیر مملکت نتیا نند رائے نے ایک سوال کے تحریری جواب میں یہ جانکاری دی۔
رائے نے کہا کہ 2020 میں 346 افراد کو گرفتار کیا گیا جبکہ 2018 اور 2019 میں بالترتیب 177 اور 247 افراد کو گرفتار کیا گیا۔
جونیئر منسٹری نے پارلیمنٹیرین دیبیندو ادھیکر کے اس سوال کا منفی جواب دیا کہ کیا حکومت کے پاس یو اے پی اے قانون میں ترمیم کرنے کی کوئی تجویز بھی ہے تاکہ "معصوم افراد کی ہراسانی کو روکا جا سکے۔"
وزیر نے کہا، "قانون کے غلط استعمال کو روکنے کے لیے، یو اے پی اے میں خود ساختہ تحفظات سمیت کافی آئینی، ادارہ جاتی اور قانونی تحفظات موجود ہیں،" وزیر نے مزید کہا، "ضرورت کو مدنظر رکھتے ہوئے ماضی میں یو اے پی اے میں ترمیم کی گئی ہے۔ فی الحال، یو اے پی اے میں کوئی ترمیم زیر غور نہیں ہے۔"
