بڈگام //بڈگام پولیس نے چوری کے ایک معمے کو حل کر کے مال مسروقہ بر آمد کر کے ملزمان کو گرفتار کر لیا ہے۔
پولیس نے بتایاپولیس چوکی سوئی بگ کو تسلیمہ بانو زوجہ مشتاق احمد صوفی ساکن ہانجی پورہ سوئیبگ کی طرف سے شکایت موصول ہوئی ہے جس میں کہا گیا ہے کہ کچھ نامعلوم شخص/افراد نے اس کے بریف کیس میں بند اس کے گھر سے اس کے سونے کے زیورات چوری کر لیے ہیں۔
انہوں نے بتایا، ”اس اطلاع پر پولیس تھانہ بڈگام میں قانون کی متعلقہ دفعات کے تحت مقدمہ ایف آئی آر نمبر 71/22 درج کیا گیا اور تفتیش شروع کردی گئی“۔
تفتیش کے دوران کئی مشتبہ افراد کو پوچھ گچھ کے لیے لایا گیا اور آخر کار ایک مشتبہ (لڑکی) کو پوچھ گچھ کے لیے لایا گیا۔
مشتبہ لڑکی نابالغ نکلی اور جیونائل پروٹوکول کے مطابق اس کا انٹرویو کیا گیا۔
اس نے جرم کے ارتکاب میں اپنے ملوث ہونے کا انکشاف کیا اور اس کے انکشاف پر دو سناروں سے تمام مسروقہ املاک برآمد کر لی گئیں۔جن میں محمد قاسم زرقوب ولد محمد شفیع زرقوب ساکنہ زکورہ سری نگراور شوکت احمد بٹ ولد عبدالرحمن بٹ ساکنہ بٹہ مالو قمرواری سری نگر کے طور کی ہےتمام چوری شدہ جائیداد جیسا کہ ذیل میں تفصیل سے برآمد کیا گیا:-انگھوٹیاں 07 نمبرجمکا 01 جوڑی۔دونوں کو گرفتار کر لیا گیا ہے جبکہ نابالغ لڑکی کو اس کے والدین کے حوالے کر دیا گیا ہے اور چالان کے وقت اسے معزز عدالت میں پیش کیا جائے گا۔کیس کی تفتیش جاری ہے۔
