بارہمولہ گاوں میں آتشزدگی سے 2 رہائشی مکان خاکستر

سری نگر// شمالی کشمیر کے بارہمولہ ضلع کے کلانتارا پائین میں جمعہ کی صبح آتشزدگی کے ایک واقعے میں کم از کم دو رہائشی مکانوں کو نقصان پہنچا۔
تفصیلات کے مطابق، کلانتارا کریری میں جمعہ کی صبح ایک رہائشی مکان سے آگ بھڑک اٹھی۔ آگ فوری طور پرقریبی گھر تک پھیل گئی تاہم محکمہ فائر اینڈ ایمرجنسی سروسز کے اہلکاروں نے فوری کاروائی کرتے ہوئے آگ کو مزید پھیلنے سے روک دیا گیا۔
ذرائع نے بتایا کہ واقع میں دو رہائشی مکانوں کے کو نقصان پہنچا ہے۔
فائر اینڈ ایمرجنسی سروسز ڈپارٹمنٹ کے عہدیدار نے بتایا کہ کلانترا کریری میں آج صبح قریب 5 بجے آگ لگنے کی اطلاع ملی جہاں دو رہائشی مکانات کو نقصان پہنچا۔
اُنہوں نے بتایا، “فائر سروس کے اہلکار فوری طور پر موقع پر پہنچے اور تقریباً ساڑھے 3 گھنٹے کے آپریشن کے بعد، آگ پر قابو پالیا گیا “۔
اُنہوں نے مزید کہا، “آگ لگنے کی اصل وجوہات کا پتہ لگایا جا رہا ہے”۔