عظمیٰ نیوزسروس
جموں//کرائم برانچ نے ایک پرائیویٹ کمپنی کے ڈائریکٹروں، دوسری کمپنی کے مالک، بدنام زمانہ گھوٹالے، ایک سرکاری ملازم سمیت آٹھ کے خلاف 3.11کروڑ روپے کے بڑے فراڈ اور فرضی قابلیت سرٹیفکیٹ پر نوکری حاصل کرنے کے الزام میں مقدمہ درج کیا ہے۔ عدالتی ہدایات کی تعمیل پر، تریکوٹہ نگر جموں کے گنندر جیت سنگھ وزیر کی شکایت پر شریکاتیانی میٹل پرائیویٹ لمیٹڈ کے پروموٹر ڈائریکٹروں یعنی یوجنا وہار دہلی کے نتن گپتا اور ندھی گپتا اور سوریہ نگر غازی آباد (یو پی) کے نتن مہیشوری کوشکایت کنندہ کو 2.64 کروڑ روپے اور خود کو غلط فائدہ پہنچانے کے خلاف ایک ایف آئی آر درج کی گئی ہے۔ جموں کے سنجیو مہاجن کی شکایت پر میسرزSanbunInvestments کے مالک نشان سنگھ ولداروند سنگھ ساکن راجدوت مارگ چانکیہ پوری ساؤتھ ویسٹ دہلی کے خلاف اعتماد کی مجرمانہ خلاف ورزی اور 35 لاکھ روپے کے غلط استعمال کے الزام میں ایک اور ایف آئی آر درج کی گئی ہے۔بدنام زمانہ دھوکہ باز سروپ لال ولد منگا رام ساکن بڑی برہمنا اور آشیش بھنڈاری ولد مرحوم ستیش بھنڈاری ساکن سبھاش نگر جموں کے خلاف جواہر لال اور بی بی رام ساکنان اکھنور کے ساتھ 12.30 لاکھ روپے کی نوکری کے بہانے گوارڈ کے عوض ان کے رشتہ داروں کو بھجوانے کے الزام میں ایک تازہ ایف آئی آر درج کی گئی ہے۔ ملزمان نے جعلی تقرری کے احکامات بھی دئیے۔ سروپ لال اور آشیش بھنڈاری کے خلاف دھوکہ دہی کے الزام میں پہلے ہی کئی ایف آئی آر درج ہیں۔مزید برآں، سی آئی ڈی ہیڈکوارٹر جموں و کشمیر سے مواصلت پر سوہن لال آر/او ارنیا جموں کے خلاف جعلی میٹرک سرٹیفکیٹ پر جموں و کشمیر کے ہیلتھ ڈپارٹمنٹ میں بطور ڈینٹل ٹیکنیشن نوکری حاصل کرنے کے لیے ایک ایف آئی آر درج کی گئی ہے جس کا انتظام مبینہ طور پر ٹریوا کے سورن سنگھ ولدچونی لال نے کیا تھا، جسے بھی ایف آئی آر میں ملزم نامزد کیا گیا ہے۔سینئر سپرنٹنڈنٹ آف پولیس کرائم جموں، بینم توش نے تصدیق کی کہ ابتدائی تفتیش کے بعد پولیس اسٹیشن کرائم برانچ جموں میں چار مقدمات ایف آئی آر نمبر 55/2025، 56/2025، 57/2025، 58/2025درج کیے گئے ہیں اور گہرائی سے تحقیقات جاری ہے۔
