سرینگر //جموں و کشمیر میں دوسرے دن بھی کورونا وائرس متاثرین کی تعداد میں کمی آئی ہے۔ پچھلے 24گھنٹوں کے دوران کورونا وائرس کی تشخیص کیلئے 76ہزار 507ٹیسٹ کئے گئے جن میں 72سفر کرنے والوں سمیت مزید 4175افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 24ہزار 260ہوگئی ہے۔ اس دوران کورونا وائرس سے ہونے والی اموات میں بھی کمی آئی ہے۔ سنیچر کو کورونا وائرس سے مزید 5افراد فوت ہوگئے ۔ متوفین کی مجموعی تعداد 4652ہوگئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں کورونا وائرس سے مزید 4175افراد متاثر ہوئے ہیں جن میں جموں میں 1363جبکہ کشمیر میں 2812افراد متاثر ہوئے ہیں۔ کشمیر میں متاثر ہونے والے 2812افراد میں 18بیرون ریاستوں سے سفر کرکے واپس لوٹے جبکہ دیگر 2794افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں متاثر ہونے والے 28212افراد میں سرینگر میں سب سے زیادہ 892، بارہمولہ میں 475، بڈگام میں 127، پلوامہ میں 153، کپوارہ میں 436، اننت ناگ میں 234، بانڈی پورہ میں 131، گاندربل میں 44، کولگام میں 292 جبکہ شوپیان میں 28افراد متاثر ہوئے ہیں۔ کشمیر میں متاثرین کی تعداد 2لاکھ 73ہزار 271ہوگئی ہے۔ اس دوران وادی میں کورونا وائرس سے2افراد کی جان گئی ہے۔ مرنے والوں میں ایک کا تعلق بارہمولہ جبکہ دوسرے کا تعلق بانڈی پورہ سے ہے۔ کشمیر میں متوفین کی مجموعی تعداد 2381ہوگئی ہے۔ جموں صوبے میں بھی متاثرین کی تعداد میں کمی کا سلسلہ جاری ہے۔ جموں صوبے میں کورونا وائرس سے مزید 1363افراد متاثر ہوئے ہیں جن میں 54بیرون ریاستوں کا سفر کرکے واپس لوٹے جبکہ دیگر 1309افراد مقامی سطح پر رابطے میں آنے کی وجہ سے متاثر ہوئے ہیں۔ جموں صوبے میں متاثر ہونے والے 1363افراد میں ضلع جموں میں 653، ادھمپور میں 104، راجوری میں 34، ڈوڈہ میں 186، کٹھوعہ میں 99، سانبہ میں 55، کشتواڑ میں 13، پونچھ میں 49، رام بن میں 145 جبکہ ریاسی میں 25افراد متاثر ہوئے ہیں۔ جموں صوبے میں متاثرین کی مجموعی تعداد 1لاکھ 55ہزار 103ہوگئی ہے۔ جموں صوبے میں کورونا وائرس سے مزید 3افراد کی جان گئی ہے۔ مرنے والوں میں ایک ضلع جموں، ایک ادھمپور جبکہ ایک سانبہ میں ایک کی جان گئی ہے۔ جموں صوبے میں مرنے والوں کی تعداد 2271ہوگئی ہے۔
ملک میں 871 ہلاکتیں | 2لاکھ 35ہزار 532مثبت
یو این آئی
نئی دہلی// بھلے ہی ملک میں کورونا کی صورتحال میں بتدریج بہتری آ رہی ہو لیکن گزشتہ 24 گھنٹوں کے دوران مرنے والوں کی تعداد میں بڑا اضافہ ہوا ہے ،اس دوران 871 مریضوں کی ہلاکتیںہوئیں ، جبکہ ایک دن پہلے یہ تعداد 627 تھی۔ ملک میں 24 گھنٹوں میں 56 لاکھ 72 ہزار 766 کووڈ افراد کو ویکسین لگائی گئی ہے ۔ اس کے ساتھ ہی ہفتہ کی صبح 7 بجے تک ایک ارب 65 کروڑ 4 لاکھ 87 ہزار 260 افرا کو کووڈ ویکسین لگائی جاچکی ہے ۔ اعداد و شمار کے مطابق اس وقت ملک میں کورونا کے ایکٹیو کیسز کی تعداد بڑھ کر 20 لاکھ 4 ہزار 333 ہو گئی ہے ۔ ملک میں گزشتہ 24 گھنٹوں کے دوران 2 لاکھ 35 ہزار 532 کیسز رپورٹ ہوئے ہیں ۔
