سرینگر+ کپوارہ // منگل کودن بھر مطلع ابرآلود رہااور اس دوران کرناہ کے سادھنا ٹاپ پر فوج نے 30مسافروں کو بچایا۔ محکمہ موسمیات کا کہنا ہے کہ وادی میں 24 جنوری تک موسمی صورتحال جوں کی توں رہنے کا امکان ہے۔ ڈائریکٹر سونم لوٹس کے مطابق 19 جنوری کو وادی میں ہلکی سے درمیانی درجے کی برف باری متوقع ہے جبکہ باقی ایام کے دوران موسم ابر آلود رہ سکتا ہے اور کہیں کہیں ہلکی برف باری کا بھی امکان ہے۔ ادھرمحکمہ موسمیات کے ترجمان کے مطابق سرینگر میں گذشتہ چوبیس گھنٹوں کے دوران 0.2 ملی میٹر بارش ریکارڈ ہوئی ۔اسی طرح گلمرگ میں 4.4 ملی میٹر برف اور پہلگام میں 3.4 ملی میٹر برف و باراں ریکارڈ ہوا ۔ ادھر کپواڑہ سے اشرف چراغ کے مطابق چوکی بل کرناہ سڑک پر دو الگ الگ مقامات پر برفانی تودو ں کی زد میں آئے 30مسافرو ںکو بچا کر محفوظ مقامات پر پہنچایا گیا۔محکمہ موسمیات کے پیش گوئی کے عین مطابق پیر کے روز کپوارہ ضلع میں برف باری کا سلسلہ شروع ہوا تاہم ضلع کے سرحدی علاقوں کو جانے والی سڑکیں گا ڑیو ں کی آمد و رفت کے لئے کھلی تھیں ۔چوکی بل کرناہ سڑک پر برف جمع ہونے کے ساتھ ہی ضلع انتظامیہ نے گا ڑیو ں کی نقل و حمل پر احتیاطی طور روک لگا دی ۔بتایا جاتا ہے کہ اس سے قبل ہی چند گاڑیو ں نے نستہ چھن گلی (سادھنا ٹاپ) کوپار کیا تھا جبکہ کچھ نستہ چھن کے نزدیک پہنچ چکی تھی ۔اس دوران کرناہ سے چوکی بل کی طرف آرہی چند ایک گا ڑیا ں خونی نالہ کے قریب پہنچ گئیں تو اس دوران برفانی تودا گر آیا جس کی وجہ سے گا ڑیا ں دونو ں طرف برفانی تو دو ں کی زدمیں آگئیں ۔ وہا ں نزدیکی فوجی یونٹ کو کسی طرح واقعہ کی علمیت ہوئی کہ خونی نالہ کے قریب برفانی تودے گر آئے ہیں اور مسافر گا ڑیا ں درماندہ ہیں تو انہوں نے فوری طور پر بچائو کارروائیاں شروع کیں۔ نیلم پوسٹ پر تعینات فوج کی بچائو ٹیم جسکی قیادت کپٹن کلجوت سنگھ کر رہے تھے، وہا ں پہنچ گئے اور پیر کی شام دیر گئے بچائو کارروائی کے دوران 14مسافرو ں، جن میں خواتین ،بچے اور عارضہ قلب میں مبتلا ایک مریض بھی شامل تھا، کو نکال پر محفوظ مقام پر پہنچایا۔ فوج کا کہنا ہے کہ جو ں ہی انہیں یہ اطلاع ملی کہ خونی نالہ کے قریب 14مسافر بر فانی تودو ں کے ذد میںآگئے ہیں تو انہو ں نے 16مسافرو ں کو جو کرناہ سے کپوارہ کی طرف جارہے تھے کو نستہ چھن کے نزدیک واپس لاکر سادھنا گلی پر ایک فوجی کیمپ پر رکھا اور کل ملاکر 30مسافرو ں کو بر وقت کاروائی کے دوران بچا لیا ۔ ضلع ترقیاتی کمشنر کپوارہ امام الدین کا کہنا ہے کہ جو نہی انہیں بیکن کی جانب سے یہ اطلاع مو صول ہوئی تو انہو ں نے فوج کی مدد طلب کی جبکہ بیکن اور فوج نے سخت محنت کے بعد مسافرو ں کو بچا لیا ۔
۔24جنوری تک کہیں کہیں ہلکی برفباری کا امکان
