نیوز ڈیسک
جموں//پولیس کے ڈائریکٹر جنرل (ڈی جی پی) دلباغ سنگھ نے پیر کو کہا کہ جموں میں دہشت گردی کو کسی بھی قسم کی مدد فراہم کرنے والے لوگوں یا اداروں کے خلاف مہم جاری رہے گی۔ڈی جی پی کٹھوعہ میں اسپورٹس اسٹیڈیم میں 11ویں پولیس شہداء میموریل T-20 کرکٹ چیمپئن شپ-2022 کے افتتاح کے بعد میڈیا سے بات کر رہے تھے۔انہوں نے کہاکہ امن کے دشمن اور دہشت گردی کے حامیوں نے اثاثے بنائے اور عمارتیں تعمیر کیں جو دہشت گردی کو زندہ رکھنے کے لیے کام کرتی ہیں۔ لہٰذا، ہم ملی ٹینٹوں کے ساتھ روابط رکھنے والے اداروں یا افراد کی ایک ایک کرکے شناخت کرنے کے عمل میں ہیں اور انہیں قانون کے تحت سخت کارروائی کا سامنا کرنا پڑے گا۔
وہ جیش محمد کمانڈر عاشق حسین ننگرو کے گھر کی مسماری سے متعلق سوال کا جواب دے رہے تھے۔ حال ہی میں پلوامہ کے راج پورہ میں ان کے دو منزلہ مکان کو حکام نے منہدم کر دیا تھا۔ڈی جی پی نے کہا: “یہ مہم اسی عمل کا حصہ تھی جو مستقبل میں بھی جاری رہے گی۔ کوئی بھی جگہ یا کوئی بھی چیز جوملی ٹینسی کو فروغ دیتی ہے قانون کے دائرہ اختیار میں آتی ہے یعنی اسے ضبط کرنا/ سیل کرنا یا اسے گرانا اگر حکومت کے دیگر اصولوں کی خلاف ورزی کرنا اس مہم کا حصہ ہے اور یہ مہم انکے حامیوں کے خلاف مستقبل میں بھی جاری رہے گی۔انہوں نے کہا کہ گزشتہ 30 سالوں میں جموں و کشمیر میں ملی ٹینسی نے تباہی مچائی ہے۔دہشت گرد گروپوں کی طرف سے پی ایم پیکج کے ملازمین کو دھمکی کے سوال کے حوالے سے، انہوں نے کہا کہ ٹی آر ایف پاکستان کی آئی ایس آئی کی حمایت یافتہ تنظیموں کا منہ بولتا ثبوت ہے”۔سنگھ نے کہا”وہ لوگوں میں خوف و ہراس اور غلط فہمی پیدا کرنے کے لیے ایسی تنظیموں کی جانب سے بات کرتے ہیں۔ TRF ہمارے ریڈار پر ہے اور ہم نے پہلے ہی اس کے خلاف کارروائی کی ہے، اور مستقبل میں بھی، یہ کارروائیاں جاری رہیں گی،” ۔ایک اور سوال کے جواب میں، انہوں نے کہا: ” تربیتی کیمپ چل رہے ہیں حالانکہ ان کی تعداد میں کمی یا اضافہ ہوتا ہے۔ تاہم، اس علاقے میں (بین الاقوامی سرحد کے اس پار) تربیتی کیمپ زیادہ فعال نہیں ہیں۔ لیکن دوسرے علاقوں میں ایسے کیمپ موجود ہیں۔ وہ ملی ٹینٹوں کو تربیت دیتے ہیں اور پھر دراندازی کی کوششیں کی جاتی ہیں۔انہوں نے کہا کہ ماضی کے مقابلے اس سال دراندازی میں کمی آئی ہے کیونکہ سخت سرحدی سیکورٹی اور انسداد دہشت گردی گرڈز ہیں۔انکا کہنا تھا کہ”دونوں گرڈ اچھی طرح سے کام کر رہے ہیں۔ کسی بھی قسم کی دہشت گردی کی کوشش سے آہنی ہاتھوں سے نمٹا جائے گا۔‘‘سرحد پار سے منشیات کی سمگلنگ کے حوالے سے، انہوں نے کہا کہ یہ پاکستان کی طرف سے نوجوانوں اور سماج (جموں و کشمیر میں) کو نشانہ بنانے کے لیے منشیات میں دھکیلنے کی ایک نئی سازش ہے۔ انہوں نے کہا کہ “بڑی مقدار میں منشیات آرہی ہیں، تاہم، پولیس نے ایسی کوششوں کو ناکام بناتے ہوئے بھاری مقدار میں منشیات ضبط کر لی ہیں۔انہوں نے کہا کہ ہم منشیات کی اسمگلنگ پر اپنی گرفت مضبوط کرتے رہیں گے اور منشیات کی اسمگلنگ میں ملوث افراد کے خلاف سخت کارروائی کریں گے۔نشے کے عادی نوجوانوں کو نشے کی لت سے نکالنے میں مدد کرنے کے لیے، انہوں نے کہا کہ پولیس نے نشہ چھڑانے کے مراکز بنائے ہیں۔انہوں نے کہا”جے اینڈ کے پولیس نوجوانوں کو نشے سے باہر لانے کے لیے کام کر رہی ہے اور ان کی بحالی اور مدد کر رہی ہے، جے کے پی ایک بڑا ڈی ایڈکشن سنٹر (جموں میں) تعمیر کر رہا ہے حالانکہ ہمارے پاس جموں میں پہلے سے ہی ایک ڈی ایڈکشن سنٹر موجود ہے لیکن اس میں ضرورت کے مطابق مناسب جگہ کی کمی ہے۔ لہذا، ہم ایک نیا بحالی مرکز تعمیر کر رہے ہیں۔ ہمارے پاس ڈاکٹروں اور مشیروں کی ایک ٹیم ہے،‘‘ ۔ انہوں نے کہا، “جے اینڈ کے پولیس کشمیر میں نشہ چھڑانے کا مرکز چلا رہی ہے۔ رینج کی سطح پر ایسے مراکز کام کر رہے ہیں۔ اب لوگ جے کے پی سے ایسے مزید ڈی ایڈکشن سینٹرز کا مطالبہ کر رہے ہیں۔
