عظمیٰ نیوز سروس
سرینگر// وادی کشمیر کے بالائی علاقوں میں اگلے 24 گھنٹوں کے دوران بارش اور برف باری کا امکان ہے۔حکام نے بتایا کہ اتوار کو موسمیاتی مرکز سرینگر نے اگلے 24 گھنٹوں کے دوران وادی کشمیر کے بالائی علاقوں میں ہلکی بارش اور برفباری کی پیش گوئی کی ہے۔محکمہ موسمیات نے کہا کہ اتوار کو موسم عام طور پر ابر آلود رہے گا، اور اگلے 24 گھنٹوں کے دوران اونچائی اور شمال اور وسطی کشمیر میں کچھ مقامات پر ہلکی بارش اور برفباری کا امکان ہے۔اس نے کہا کہ 12 سے 14 نومبر تک موسم عام طور پر خشک رہے گا۔15 سے 16 نومبر تک وادی کشمیر کے بکھرے مقامات پر ہلکی بارش کا ایک اور نیا سلسلہ شروع ہونے کا امکان ہے۔انہوںنے کہا کہ ایک تازہ کمزور مغربی ڈسٹربنس اتوار کی رات سے جموں و کشمیر پر اثر انداز ہونے والا ہے۔ “اس کے زیر اثر، جموں اور کشمیر کے کچھ حصوں میں ہلکی بارش اور برف باری متوقع ہے اور 12 نومبر کی صبح تک جاری رہنے کا امکان ہے،” ۔انہوں نے مزید کہا، “اسکا اثر زیادہ تر شمالی کشمیر، پیر پنجال سلسلہ اور بانڈی پورہ اور گاندربل اضلاع کی اونچے علاقوں میں دیکھا جائے گا۔انہوں نے کہا کہ ایک اور کمزور ہوائوں کا دبائو، 14 اور 16 نومبر کے درمیان اثر انداز ہونے والا ہے اور وادی کشمیر کے چند اونچے علاقوں میں ہلکی برف باری کا سبب بن سکتا ہے۔دن کے وقت درجہ حرارت میں 26 ڈگری سینٹی گریڈ تک کمی متوقع ہے۔ اس کے علاوہ، 17 نومبر کے بعد رات کے وقت کے درجہ حرارت میں نمایاں کمی کا امکان ہے۔کشمیر ایک طویل خشک موسم کا مشاہدہ کر رہا ہے جس کی وجہ سے مرکزی دریا جہلم اور وادی کی دیگر معاون ندیوں میں پانی کی سطح ریکارڈ کم ہو گئی ہے۔سری نگر میں ہفتہ اور اتوار کی درمیانی راتوں کے دوران ریکارڈ کیا گیا کم از کم درجہ حرارت 3.6 C تھا، اور موسم کی اس مدت کے دوران موسم گرما کے دارالحکومت میں یہ معمول سے 1.7 C زیادہ تھا۔محکمہ موسمیات نے بتایا کہ ہفتہ کو سری نگر میں دن کا زیادہ سے زیادہ درجہ حرارت 21.6 ڈگری سینٹی گریڈ ریکارڈ کیا گیا اور یہ معمول سے 4.3 ڈگری سینٹی گریڈ زیادہ تھا۔
