ایم ایم پرویز
رام بن//رام بن پولیس نے بدھ کو رام بن میں دو افراد کو گرفتار کرکے انکےقبضے سے غیر قانونی شراب کی 86بوتلیں برآمد کیں۔پولیس ذرائع نے بتایا کہ ایس ایچ او تھانہ رام بن وجے کوتوال کی قیادت میں پولیس ٹیم نے پولیس سٹیشن رام بن کے دائرہ اختیار میں دو مختلف مقامات پر دوافرادکو گرفتار کیا۔انہوں نے بتایا کہ پولیس اسٹیشن رامبن کی ایک پولیس پارٹی نے گشت کرتے ہوئے ایک شخص کو گرفتار کیا اور اس کے قبضے سے 50بوتلیں (180 ایم ایل فی کس) ناجائز شراب برآمد کی۔ملزم غیر قانونی طور پر شراب فروخت کرتا تھا۔پولیس نے بتایا کہ دیو راج ولد کلدیپ سنگھ ساکنہ ہلہ دندراتھ، تحصیل و ضلع رام بن کو گرفتار کیا گیا۔ایک اورواقعہ میں، تھانہ رام بن کی پولیس پارٹی نے ایک اورر کو گرفتار کیا اور اس کے قبضے سے 36 بوتلیں (250 ایم ایل) برآمد کیں۔ ملزم غیر قانونی طور پر شراب فروخت کرتا تھا۔انہوں نے بتایا کہ شکتی سنگھ ولد کرشن سنگھ ساکنہ گاؤں سنچا تحصیل اور ضلع رام بن نامی ملزم ہے۔
