جموں// نیشنل کانفرنس کے صوبائی صدر وایم ایل اے نگروٹہ دویندرسنگھ رانانے جعلی مستقل باشندہ ریاست اسناد بنانے والے اشخاص کی نشاندہی کرنے اورریاست سے انہیں باہرنکالنے کی ضرورت پرزور دیا ہے۔اس سلسلے میں انہوں نے لوگوں سے کہاکہ وہ بغیرکسی تاخیرکے آگے آئیں اورڈوگرسرزمین کی حفاظت میں اپنانمایاں رول اداکریں۔ رانانے کہاکہ بی جے پی دفعہ 35۔اے کوختم کرنے کےلئے مذموم کوشش کررہی ہے۔انہوں نے کہاکہ مہاراجہ ہری سنگھ نے 1927 میں اس دفعہ کومعرض الوجود میں لایاجس کے تحت بیرون ریاست کاکوئی بھی شخص نہ تو جموں وکشمیرمیں زمین خریدسکتاہے اور نہ ہی نوکری حاصل کرسکتاہے۔انہوں نے کہاکہ یہ دفعہ ریاستی عوام کے مفادات کے تحفظ کابھرپورضامن ہے۔ رانانے ان خیالات کااظہار اسمبلی حلقہ نگروٹہ کے متعددعلاقوں بشمول اپرکاتھار ،کشن پور، سروئیں سر، چلہ ، سنگدھ کے اپنے دوروزہ توسیعی دورے کے دوران کیا۔ انہوں نے کہاکہ جموں کے لوگ اس بات کی کسی بھی صورت میں اجازت نہیں دیں گے ۔دفعہ 35۔اے کے ساتھ چھیڑچھاڑ کرکے ان حقوق کوسلب کیاجائے ۔انہوں نے کہاکہ اس دفعہ کو ختم کرنے سے جموں کے لوگوںکونوکریوں اور تجارت میں زبردست نقصان ہوگا ۔انہوں نے کہاکہ جموں کے لوگ بی جے پی کوایساکرنے کی ہرگزاجازت نہ دیں گے۔ اس دورے کے دوران رانانے سروئیں سر جھیل کوخوبصورت بنانے اوربنیادی ڈھانچہ کی بہتری کے کاموں کاجائزہ لیا۔ اس مقصد کے لئے 1.51 کروڑ روپے کی رقم خرچ کی جارہی ہے ۔رانانے اس موقعہ پر متعددکاموں کا افتتاح بھی کیا۔ اس سے قبل رانانے موسلادھار بارشوں کی وجہ سے حلقہ انتخاب نگروٹہ میں بنیادی ڈھانچے کوپہونچے نقصانات کابھی جائزہ لیا۔انہوں نے سڑکوں ، پبلک ہیلتھ سہولیات اوربجلی کے نظام کوبارشوں سے پہونچے نقصانات پر تشویش ظاہر کی اورعوام کویقین دلایاکہ تجدیدمرمت کامعاملہ ریاستی انتظامیہ کے ساتھ اٹھایاجائے گا۔ انہوں نے کہاکہ حلقہ انتخاب میں رابطہ سڑکوں کوبہت نقصان پہونچا ہے۔ جس کی وجہ سے عوام کوآمدورفت سے مشکلات درپیش ہیں۔اس کے علاوہ بارشوں کے پانی سے متعدد سکولی عمارتوں کونقصان پہونچنے کے ساتھ ساتھ کھڑی فصلوں بشمول دھان کوبھی نقصان پہونچا ہے ۔ متعددانجینئرنگ ونگوں خصوصی طورسے محکمہ دیہی ترقی کادیہی علاقوں کی تعمیروترقی میں نمایاں رول کاذکرکرتے ہوئے رانانے کہاکہ عوامی نمائندوں کی آراءاور مشوروں کے ساتھ دیہی علاقوں کی تیزتر ترقی کے منصوبے مرتب کئے جائیں تاکہ ریاست کے دیہات بھی ترقی کی منازل طے کرتے ہوئے شہروں کے ہم پلہ بن سکیں۔اس موقعہ پر عوامی نمائندوں نے اپنے اپنے علاقوں میں درپیش مسائل کواُجاگر کیااورانہیں جلدحل کرانے کامطالبہ کیاجن میں بجلی اورپینے کے پانی کی سپلائی کوبغیرکسی رکاوٹ کے جاری رکھنے اورخراب شدہ بجلی کے ٹرانسفارمر وں کی جلدمرمت کامطالبہ کیا۔دریں اثنا سنگدھ کے کانگریس کے لیڈربلونت سنگھ نے نیشنل کانفرنس میں شمولیت اختیارکی۔
۔ 35عوامی مفادات کے تحفظ کی ضامن :دیویندر رانا۔A دفعہ
