عظمیٰ نیوز سروس
سرینگر// لیفٹیننٹ گورنر منوج سنہا نے ہفتہ کو وزیر اعظم نریندر مودی اور دیہی ترقی اور پنچایتی راج کے مرکزی وزیر گری راج سنگھ کا 152 کروڑ روپے کی لاگت سے کے تحت12 سڑکوں کی اپ گریڈیشن پروجیکٹوں اور ایک پل کی تعمیر کو منظوری دینے پر شکریہ ادا کیا۔مائیکرو بلاگنگ سائٹ X پر ایل جی آفس کے ایک پیغام میں کہا گیا “سڑکوں کو اپ گریڈ کرنے کے 12 پروجیکٹوں اور تعمیرات کی منظوری کے لیے وزیر اعظم نریندر مودی اور دیہی ترقی اور پنچایتی راج کے مرکزی وزیر جناب گری راج سنگھ جی کا مشکور ہوں۔ ایل جی نے مزید کہا”سڑکوں کو اپ گریڈ کرنے کے پروجیکٹوں سے یوٹی کے 6 اضلاع میں سینکڑوں بستیوں کو فائدہ پہنچے گا۔ سرحدی ضلع پونچھ کے لیے دو لین پل سفر میں زیادہ آسانی کو یقینی بنائے گا اور یہ گائوں کو خوشحالی سے جوڑ دے گا اور مجموعی سماجی و اقتصادی ترقی میں اپنا حصہ ڈالے گا‘‘ ۔
