یو این آئی
اعظم گڑھ//وزیر اعلیٰ یوگی آدتیہ ناتھ نے جمعہ کو کہا کہ وزیر اعظم نریندر مودی کی رہنمائی میں، اتر پردیش ایک بیمار ریاست کی شبیہ سے نکل کر ایک ایکسپریس وے ریاست کے طور پر ملک میں اپنی شناخت قائم کر رہا ہے۔اعظم گڑھ میں گورکھپور لنک ایکسپریس وے کے افتتاح کے موقع پر یوگی نے کہا کہ اعظم گڑھ جو کئی دہائیوں سے شناخت کے بحران کا سامنا کر رہا تھا، آج ناقابل تسخیر ہمت کا گڑھ بن گیا ہے۔ یہ کامیابی وزیر اعظم نریندر مودی کی رہنمائی اور ڈبل انجن والی حکومت کی کوششوں کا نتیجہ ہے، جو اتر پردیش کو بیمارو ریاست سے ایک ایکسپریس وے ریاست بنا رہی ہے۔ انہوں نے کہا کہ یہ ایکسپریس وے اعظم گڑھ کے ساتھ ساتھ امبیڈکر نگر، سنت کبیر نگر اور گورکھپور کو عالمی معیار کا رابطہ فراہم کرے گا۔یوگی نے کہا کہ اعظم گڑھ سے گورکھپور تک یہ لنک ایکسپریس وے مشرقی اتر پردیش کو ترقی کے دھارے سے جوڑ رہا ہے۔ اس رابطے سے پٹنہ سے دہلی تک کا سفر آسان ہو جائے گا۔ انہوں نے کہا کہ 2017 میں صرف دو ایکسپریس وے (جمنا اور آگرہ-لکھن) تھے جن میں سے آگرہ-لکھن نامکمل تھے۔جسے ڈبل انجن والی حکومت نے مکمل کیا تھا، لیکن اب 340 کلومیٹر طویل پوروانچل ایکسپریس وے، 300 کلومیٹر طویل بندیل کھنڈ ایکسپریس وے اور 91 کلومیٹر طویل گورکھپور لنک ایکسپریس وے آپریشنل ہو گیا ہے۔ اس کے علاوہ گنگا ایکسپریس وے(600 کلومیٹر)لکھنو۔کاپور ، بلیا لنک سمیت چھ ایکسپریس وے زیر تعمیر ہیں۔ دہلی۔ میرٹھ ایکسپریس وے نے 3گھنٹے کی دوری کو 45۔45 منٹ میں سمیٹنے کا اعزاز حاصل کیا ہے۔انہوں نے کہا کہ اس سال کے آخر تک وزیر اعظم گنگا ایکسپریس وے کا افتتاح کریں گے اور انفراسٹرکچر اتنا مضبوط ہو جائے گا کہ اتر پردیش کو خوشحال ہونے سے کوئی نہیں روک سکے گا۔ انہوں نے کہا کہ 2047 میں ہندوستان ایک ترقی یافتہ ہندوستان ہوگا اور یہ ایک ترقی یافتہ ہندوستان کے لئے ایک ترقی یافتہ اور خود کفیل اترپردیش بنانے کی سمت میں ڈبل انجن بھارتیہ جنتا پارٹی کی حکومت کی کوششوں کا نتیجہ ہے کہ اتر پردیش اب بیماروریاست سے ایکسپریس وے اسٹیٹ کے طور پر اپنی شناخت بنا رہا ہے۔اپوزیشن کو ہدف تنقید بناتے ہوئے یوگی نے کہا کہ 2017 سے پہلے سڑکوں کی حالت ایسی تھی کہ یہ بتانا ممکن نہیں تھا کہ سڑک میں گڑھے ہیں یا گڑھا سڑک میں ہے۔ پوروانچل ایکسپریس وے کا سنگ بنیاد تو رکھا گیا لیکن زمین بھی نہیں خریدی گئی۔ وہ 110 میٹر چوڑا ایکسپریس وے 15,200 کروڑ روپے میں بنانا چاہتے تھے، ہم نے اسے 120 میٹر تک چوڑا کیا اور اسے 11,800 کروڑ روپے میں بنایا۔ عوام سمجھتی ہے کہ بچا ہوا پیسہ کون لوٹے گا۔وزیر اعلیٰ نے اپوزیشن پر الزام لگاتے ہوئے کہا کہ ترقی کے بجائے پچھلی حکومتوں نے ڈی کمپنی اور داد گینگ کے ساتھ مل کر سیکورٹی کی خلاف ورزی کی اور اعظم گڑھ کو دہشت کا گڑھ بنا دیا۔ 2007-08میں، اجیت رائے کو شبلی نیشنل کالج میں وندے ماترم گانے کی وکالت کرنے پر قتل کر دیا گیا تھا۔لیکن اب کوئی ایسی حرکت کرنے کی جرات نہیں کر سکتا۔ آج اگر کوئی ریاست کی
سلامتی سے کھیلنے کی کوشش کرتا ہے تو اس کے لیے یامراج کا ٹکٹ پہلے سے بک کر لیا جاتا ہے۔
