ملازمین کو 26جنوری کی تقریب اور بیٹنگ ریٹریٹ تقریب میں شرکت کی ہدایت
جموں//جموں و کشمیر حکومت نے اپنے عملے سے کہا ہے کہ وہ اپنی سرکاری ڈیوٹی کے ایک حصے کے طور پر ’’26 جنوری کی تقریب اور ’’بیٹنگ ریٹریٹ تقریب‘ ‘میں شرکت کریں۔ امسال یوم جمہوریہ کی مرکزی تقریب مولانا آزاد اسٹیڈیم جموں میں منعقد کی جا رہی ہے جہاں لیفٹیننٹ گورنر منوج سنہا صدارت کریں گے اور سلامی لیں گے۔ اس سلسلے میں جموں و کشمیر حکومت نے اپنے عملے سے کہا ہے کہ وہ اپنی سرکاری ڈیوٹی کے ایک حصے کے طور پر ’’26 جنوری کی تقریب اور ’’بیٹنگ ریٹریٹ تقریب‘ ‘میں شرکت کریں۔اس ضمن میں سرکار کی جانب سے جاری ایک سرکیولر میں کہا گیا کہ جموں میں تعینات حکومت اور پبلک سیکٹر انڈر ٹیکنگز کے تمام افسران و اہلکاروں سے کہا جاتا ہے کہ وہ اپنی سرکاری ڈیوٹی کے حصہ کے طور پر تقریب میں شرکت کریں۔اس میں مزید لکھا گیا کہ تمام محکموں کے سربراہان اور پبلک سیکٹر انڈرٹیکنگز کے چیف ایگزیکٹوز اس تقریب میں اپنی اور اپنے ماتحت ملازمین کی شرکت کو یقینی بنائیں گے۔دریں اثنا، ایک الگ سرکلر کے مطابق، یوم جمہوریہ کی تقریبات کی بیٹنگ ریٹریٹ تقریب 29 جنوری 2025 کو شام 4بجکر 30منٹ پر مولانا آزاد اسٹیڈیم، جموں میںمنعقد کی جائے گی جس کیلئے جموں میں تعینات سرکاری محکموں کے تمام افسران و اہلکاروں کو بیٹنگ ریٹریٹ تقریب میں شرکت کی ہدایت کی گئی ہے۔ تمام محکموں کے سربراہان اور پبلک سیکٹر انڈرٹیکنگز کے چیف ایگزیکٹیو سے بھی کہاگیا ہے کہ وہ مذکورہ تقریب میں اپنی اور اپنے ماتحت ملازمین کی شرکت کو یقینی بنائیں۔
