سرینگر/یاتریوں کا پانچواں جتھا جمعرات کو جموں سے امر ناتھ گپھا کی طرف روانہ ہوگیا۔
حکام کے مطابق یہ جتھا5522یاتریوں پر مشتمل ہے جو اب تک کا سب سے بڑا جتھا ہے۔
حکام نے کہا کہ یکم جولائی ،جب سے اس سال کی امر ناتھ یاترا شروع ہوگئی،35000یاتریوں نے گپھا میں شیو لنگم کے درشن کئے ہیں۔
ڈیڑھ لاکھ یاتریوں نے اس سال کی یاترا کیلئے ناموں کی رجسٹریشن کرائی ہے۔
اس سال کی یاترا 15اگست تک جاری رہے گی۔
آج امرناتھ کی طرف روانہ ہونے والے یاتریوں میں4456مرد،871خواتین ،31بچے اور164سادھو شامل ہیں۔
اس سال امرناتھ یاترا کیلئے حفاظت کے فقید المثال انتظامات کئے گئے ہیں۔
