عشرت بٹ
پونچھ//پولیس سربراہ دلباغ سنگھ نے جموں و کشمیر میں سیکورٹی کی مجموعی صورتحال پرامن ہونے پر زور دیتے ہوئے، بدھ کے روز کہا کہ اگلے انتخابات پرامن ماحول میں ہوں گے کیونکہ ہرتال اور پتھراؤ ماضی کی بات بن چکی ہے۔ موصوف پونچھ میں نامہ نگاروں سے بات کررہے تھے۔انہوں نے کہا کہ جموں کشمیر کے حالات کافی بہتر ہوئے ہیں اور مزید بہتر ہونے کی امید کی جاسکتی ہے۔
انکا کہنا تھا’’ عوام کو کسی بھی قسم کی تکلیف نہ پہنچے، اسکے لئے زمینی سطح پر اقدامات کئے گئے ہیں‘‘۔انہوں نے کہا کہ سیکورٹی فورسز کی طرف سے کسی کیساتھ کوئی زیادتہ نہ ہو،اس کو بھی پوری طرح یقینی بنایا گیا ہے۔دلباغ سنگھ نے کہا کہ جو لوگ یہاں ہڑتال،پتھرائو کے علاوہ سکولوں اور کالجوںکو بند کرواتے تھے، اب یہاں کے بچے بہتر طریقے سے تعلیم حاصل کر رہے ہیں جبکہ کچھ مختلف محکموں میں نوکریاں حاصل کر رہے ہیں ۔انہوں نے کہا ’’ جموں کشمیر میں ہڑتال، بند اور پتھر بازی کے واقعات اب قصہ پارینہ بن چکے ہیں،کیونکہ اب عوام کو بھی اس بات کا احساس ہوچکا ہے کہ ان کیلئے کیا بہتر ہے۔ دلباغ سنگھ نے کہاکہ نوجوان اب اپنے مستقبل کی فکر میں لگے ہوئے ہیں اور وہ اپنی توجہ تعلیم کی طرف مرکوز کررہے ہیں۔ انہوں نے کہا کہ انہوں نے کہا تخریبی سرگرمیوں میں ملوث افراد کے خلاف سیکورٹی فورسز نے بڑے پیمانے پر آپریشن شروع کیا جس کے مثبت نتائج برآمد ہو رہے ہیں۔انہوں نے کہا پونچھ اور راجوری کے سرحد ہمارے ہمسائیہ ملک کے ساتھ ہے اور اس کے چلتے ان کی ناپاک کارروائیوں کو کسی نہ کسی طریقے انجام دیتے ہیں ۔انہوں نے کہاکہ پاکستان جموں وکشمیر میں اپنے منصوبوں کو پھر سے عملانے کی خاطرکوششوں میں مصروف ہے تاہم سیکورٹی ایجنسیاں ملک دشمن عناصر پر خصوصی نظر گزر رکھ رہی ہیں۔انہوں نے بتایا :’ پاکستان ملی ٹینٹوں کو اس طرف دھکیلنے کی کوشش کررہا ہے لیکن سرحدوں پر تعینات افواج نے ہمسایہ ملک کے منصوبوں کو ناکا بنایا ہے‘۔اور آئندہ بھی اس قسم کی کوششوں کو ناکام بنا دیا جائے گا ۔
