ماؤنٹ مونگانوئی/ ہندوستان نے نیوزی لینڈ کو تیسرے ون ڈے میں پیر کے روز یکطرفہ مقابلہ میں سات وکٹ سے ہراکر 5میچوں کی سیریز میں 0۔3سے ناقبل تسخیر سبقت حاصل کرلی ۔ ہندستان نے نیوزی لینڈ کے 49اورزمیں 243رن کے اسکور کو 43اوورزمیں تین وکٹ پر 245رن بناکر حاصل کرلیا۔سمیع نیپیئرمیں بھی پہلے ون ڈے میں تین وکٹ لیکر مین آف دی میچ بنے تھے ۔ ہندستان نے آسٹریلیا کو ٹسٹ اور ون ڈے سیریز میں اسی کے گھر میں مات دینے کے بعد اب نیوزی لینڈ کو اسی کی سرزمین پر ون ڈے سیریز میں ہرادیاہے ۔ ہندستان نے 10سال بعد نیوزی لینڈ میں پہلی بار دوطرفہ سیریزجیتی ہے ۔ہندستان نے اس سے پہلے 2009میں سیریز اپنے نام کی تھی ۔ہندستانی ٹیم اس پہلے تک نیوزی لینڈ میں صرف ایک ون ڈے سیریز ہی اپنے نام کرپائی تھی ۔ ہندستان کے لیے میزبان ٹیم کا 243کا اسکور پار کرنا بہت زیادہ مشکل نہیں تھا اور اس نے فارم میں چل رہے اپنے بلے بازوں کی ایک اور بہترین کارکردگی کی بدولت 42گیند پہلے ہی میچ ختم کردیا۔ روہت اور شکھر دھون نے ہندستان کو پھر اچھی شروعات دی اور 8اعشاریہ 2اوورز میں پہلے وکٹ کے لیے 39رن جوڑے ۔بائیں ہاتھ کے بلے باز شکھردھون نے مختصر لیکن تیز رفتار اننگزکھیلی اور 27گیندوں پر 28رن میں چھ چوکے لگائے ۔شکھر کو تیز گیندباز ٹرینٹ بولٹ نے راس ٹیلر کے ہاتھوں کیچ کرایا۔شکھر کا وکٹ گرنے کے بعد روہت نے کپتان وراٹ کے ساتھ دوسرے وکٹ کے لیے 113رن جوڑکر ہندستان کو جیت کی راہ پر ڈال دیا۔ روحت ٹیم کے 152کے اسکور پر آؤٹ ہوئے ۔روہت نے 77گیندوں پر 62رن میں تین چوکے اور دوچھکے لگائے ۔روحت کو مشیل سینٹر نے ٹام لاتھم کے ہاتھوں اسٹمپ کرادیا۔روہت کی سیریز میں یہ لگاتار دوسری نصف سنچری تھی اور اب انکے 198میچوں میں 38نصف سنچریاں ہوگئی ہیں۔ روہت کا وکٹ گرنے کے بعد وراٹ بھی زیادہ دیر نہیں رک پائے اور 60رن بنانے کے بعد ٹیم کے 168کے اسکور پر آؤٹ ہوگئے ۔وراٹ کا وکٹ بولٹ نے لیا اور ہندستانی کپتان نے 74گیندوں کی اپنی اننگز میں چھ چوکے اور ایک چھکا لگایا۔ وراٹ نے مسلسل تین اننگز میں نصف سنچری سے چوکنے کے بعد نصف سنچری بنائی ۔وراٹ کی یہ 49ویں نصف سنچری ہے ۔ وراٹ کے آؤٹ ہونے کے بعد امباٹی رائیڈونے وکٹ کیپر دنیش کارتک کے ساتھ چوتھے وکٹ کی ناٹ آؤٹ شراکت داری میں 77رن جوڑ کر ہندستان کو جیت کی منزل تک پہنچادیا۔
ہندوستان نے 10سال بعد نیوزی لینڈ میں رقم کی تاریخ
