وارانسی//وزیر اعظم مودی نے منگل کو کہا کہ ہندوستانی تہذیب و ثقافت وروایت کو عالمی سطح پر ایک نئی شناخت مل رہی ہے اور یہ ہر ہندوستانی کے لئے باعث فخر ہے۔
مودی نے یہاں واقعہ سوروید مہامندر میں سدرو سداپھلدیو وہنگم یوگ ادارے کے 98ویں سالانہ تقریب سے خطاب کرتے ہوئےلوگوں سے سدروسداپھلدیو جی کے خوابوں کو پورا کرنے کے لیے قرار کرنے کی اپیل کی۔ انہوں نے کہا، "یہ قراردادیں ایسی ہونی چاہئیں جن میں سدھ گرو کی قراردادیں پوری ہوں اور جن میں ملک کی خواہشات کو بھی شامل کیا جائے۔"
وزیر اعظم نے کہا کہ تحریک جدوجہد آزادی میں سدھگرو نے ہمیں’سودیشی‘ کامنتر دیا تھا اور آج اسی جذبے کے ساتھ ملک نے ہندوستان کے خودکفالت کے مشن کا آغاز کیا ہے۔انہو ں نے قدیم تاریخ پر ایک بار پھر سوال اٹھاتے ہوئے کہا کہ’ ملک کی سنت روایات کے لوگ جدوجہد آزادی کے دوران اپنے آشرموں تک ہی محدود نہیں رہے بلکہ انہوں نے تحریک آزادی میں فعال کردار ادا کیا۔ بدقسمتی سے ملکی تاریخ میں اس پہلو کو نظر انداز کر دیا گیا ہے۔
مصیبت میں سنت روایت کی رہنمائی کی اہمیت کا ذکر کرتے ہوئے، وزیر اعظم مودی نے کہا، "ہمارا ملک اتنا شاندار ہے کہ جب بھی کوئی ناسازگار وقت آتا ہے ، وقت کے دھارے کو موڑنے کے لیے کوئی نہ کوئی سنت وبھوتی اٹھ کھڑے ہوتے ہیں۔"
اس موقع پر اترپردیش کی گورنر راجیہ پال آنندی بین پٹیل، وزیر اعلی یوگی آدتیہ ناتھ اور دیگر نمائندے بھی موجود رہے۔
مودی نے پارلیمانی حلقے وارانسی میں تیز رفتاری سے جاری ترقیاتی پروجکٹوں کا ذکر کرتے ہوئے آج وارانسی پورے ملک کو ترقی کا روڈ میپ بنا رہا ہے۔ انہوں نے کاشی وشوناتھ کاریڈور دھام راہداری اور بنارس ریلوے اسٹیشن کو نئی شکل دینے کے کام کی مثال دیتے ہوئے کہا کہ ان پروجکٹوں میں جدید وقدیم کا بڑی خوبصورتی کے ساتھ سنگم قائم کیا گیا ہے۔
قابل ذکر ہے کہ پیر کی دیر رات مودی اور یوگی نے بنارس ریلوے اسٹیشن سمیت شہر میں مختلف ترقیاتی کاموں کا جائزہ لیا تھا۔وزیر اعظم نے کہا کہ’بنارس جیسے شہروں نے مشکل سے مشکل وقت میں بھی ہندوستان کی شناخت، آرٹ اور کاروبار کو سنوررکھا ہے۔ جہاں بیج ہوتا ہے وہاں شجر ضرور نکلتا ہے۔ اور اس لئے آج جب ہم بنارس کے ترقی کی بات کرتے ہیں تو اسے پورے ہندوستان کے ترقی کا روڈ میپ بھی بنتا ہے۔
مودی نے اپنے خطاب میں آرگنک زراعت کی اہمیت کا ذکر کرتے ہوئے وہنگم یوگی ادارے سے کسانوں کو اس سمت میں بیدار کرنے کی اپیل کی۔ انہوں نے کہا کہ ہندوستان میں موشی پروری اور گوبر کھیتی کی بنیاد رہی ہے اور آج بھی آرگنک کھیتی کا بنیاد ہے۔اس موقع پر انہوں نے بیٹیوں کو بڑھانے،انہیں فروغ ہنر مندی کے لئے ٹریننگ دینے، پانی کے تحفظ کے لئے تدابیر کرنے اور زیرو بجٹ کھیتی کو بڑھاوا دینے کا قرار دیا بھی دلایا۔
