ہم نے اوسط درجے کی کارکردگی کا مظاہرہ کیا:آرتھر

برمنگھم، 5 جون (یو این آئی) روایتی حریف ہندوستان کے خلاف ہائی وولٹیج مقابلے میں 124 رن سے ملی زبردست شکست سے مایوس پاکستانی ٹیم کے کوچ مکی آرتھر نے کہا ہے کہ ان کی ٹیم نے اہم میچ میں اوسط درجہ کی کارکردگی کا مظاہرہ کیا اور اب وقت آ گیا ہے کہ جب ون ڈے کرکٹ کی کوتاہیوں پر غور کیا جائے ۔آئی سی سی چیمپئنز ٹرافی کے افتتاحی میچ میں ہندوستانی کرکٹ ٹیم نے پاکستان کو بارش متاثرہ میچ میں یکطرفہ طور پر شکست دی تھی۔ میچ کے بعد پاکستانی کوچ نے کہا ''ہم نے اوسط درجہ کے کھیل کا مظاہرہ کیا۔ یہی سچ ہے ۔ اب وقت آ گیا ہے کہ ہمیں دیکھنا ہوگا کہ ون ڈے کرکٹ میں ہم کہاں ہیں''۔پاکستان کو سری لنکا اور جنوبی افریقہ کے خلاف اپنے دونوں میچوں میں جیت حاصل کرنی ہوگی تاکہ وہ سیمی فائنل میں جگہ بنا سکے ۔ وہیں اس اہم میچ میں شکست سے ٹیم کی خود اعتماد پر بھی گہرا اثر پڑا ہے ۔ آرتھر نے کہ گزشتہ کافی عرصے سے میرے لیے جو تشویش کی بات رہی وہ یہ ہے کہ ہم کھیل کے اصل پہلوؤں اور منصوبوں کو بھی نافذ نہیں کر پا رہے ہیں۔ ہم دائیں سے تھرو نہیں کر پاتے اور نہ ہی ہمیں یہ معلوم ہے کہ آپ کی بولنگ میں کب تنوع لانا ہے ''۔انہوں نے کہا ''ہم نے ایک اچھا اوور پھینکا اور پھر ہم نے چھٹی اور آخری گیند میں کچھ مختلف کر دیا جس پر باؤنڈری لگ گئی۔ یہی کچھ اہم بنیادی باتیں ہیں جن پر ہماری توجہ نہیں ہے اور مجھے اسی کی فکر ہے ''۔میچ میں پاکستانی ٹیم کی فیلڈنگ انتہائی خراب رہی اور انہوں نے وراٹ کوہلی سے لے کر یوراج سنگھ جیسے بڑے بلے بازوں کے کئی کیچ گرائے جنہوں نے بعد میں نصف سنچری اننگز کھیلی۔جاری۔