یو این آئی
نئی دہلی//لوک سبھا کے اسپیکر اوم برلا نے کہا کہ مالیاتی قوانین کو آسان بنانے اور شفافیت کے لیے کیے گئے حالیہ اقدامات نے ہندوستان میں سرمایہ کاری کے لیے ایک سازگار ماحول پیدا کیا ہے۔ انہوں نے کہا کہ مضبوط جمہوری جذبے، مستحکم حکومت اور دور اندیش قیادت کے ساتھ آج ہندوستان میں سرمایہ کاروں کے لیے بے پناہ مواقع موجود ہیں۔ انہوں نے یہ بھی کہا کہ ہندوستان دنیا کی سب سے تیزی سے ترقی کرنے والی معیشت آج سرمایہ کاری کے لیے ایک پسندیدہ مقام بن گیا ہے۔ برلا نے نئی دہلی میں واقع انسٹی ٹیوٹ آف کاسٹ اکائونٹنٹس آف انڈیا ( آئی سی اے آئی )کی ناردرن انڈیا ریجنل کونسل کے زیر اہتمام ‘تبدیلی لینڈ اسکیپ: مائی ڈیولپڈ انڈیا – 2047’ پر دو روزہ سیمینار میں اپنے افتتاحی خطاب میں ان خیالات کا اظہار کیا ۔ہندوستان میں قانونی اصلاحات کا ذکر کرتے ہوئے برلا نے کہا کہ ہندوستان میں پہلی بار نوآبادیاتی قوانین کو تبدیل کرنے، پرانے قوانین کو منسوخ کرنے اور نئے قوانین بنانے کی کوشش کی گئی ہے جو نئے ہندوستان کے لوگوں کی امیدوں اور امنگوں کے مطابق ہیں۔ جی ایس ٹی، مجوزہ انکم ٹیکس قانون، لیبر قوانین اور کمپنی قوانین میں کی گئی تبدیلیوں کے بارے میں بات کرتے ہوئے مسٹر برلا نے زور دیا کہ یہ اقدامات ملک کو ترقی اور خوشحالی کی راہ پر لے جانے کے وژن کی عکاسی کرتے ہیں۔ انہوں نے کہا کہ نئے قوانین نہ صرف سادہ، شفاف اور ترقی پسند ہیں بلکہ معاشرے کے آخری فرد کی زندگی کو بہتر بنانے کے ل اقدات بھی شامل ہیں۔ انہوں نے یہ بھی کہا کہ ترقی پسند قوانین ملک اور معاشرے کی بدلتی ہوئی ضروریات اور بدلتے ہوئے بین الاقوامی منظر نامے کو مدنظر رکھتے ہیں۔اس بات کا ذکر کرتے ہوئے کہ انفراسٹرکچر، سڑک کنیکٹیویٹی، ریل کنیکٹیویٹی اور ہوائی رابطے میں ترقی نے ملک میں زیادہ سرمایہ کاری کے امکانات کو بڑھایا ہے، مسٹر برلا نے کہا کہ یہ سرمایہ کاری بالآخر بڑے پیمانے پر سماج کو فائدہ پہنچائے گی۔ انہوں نے بہتر مستقبل کے لیے ماحول دوست زندگی کو اپنانے کے لیے وزیر اعظم کی کال کا بھی ذکر کیا اور کہا کہ ہندوستان لوگوں کو ماحول دوست زندگی کو اپنانے کی ترغیب دینے میں دنیا کی قیادت کر رہا ہے۔ ہندوستان کے مالیاتی اداروں کو ہندوستان کی طاقت بتاتے ہوئے مسٹر برلا نے کہا کہ ہمارے مالیاتی اداروں کا پوری دنیا میں احترام کیا جاتا ہے۔ آئی سی اے آئی کے تعاون کی تعریف کرتے ہوئے لوک سبھا اسپیکر نے کہا کہ یہ ادارہ نہ صرف مالیاتی نظام میں شفافیت کو یقینی بنانے میں اہم کردار ادا کرتا ہے بلکہ کم از کم لاگت پر بڑے پیمانے پر پیداوار حاصل کرنے میں ملک کی رہنمائی بھی کرتا ہے۔ ملک کی اقتصادی صلاحیت کو مضبوط بنانے میں اہم کردار ادا کرتے ہوئے آئی سی اے آئی اپنی انتظامی صلاحیتوں سے لوگوں کی زندگیوں کو بہتر بنا رہا ہے۔ مسٹر برلا نے امید ظاہر کی کہ یہ دو روزہ سیمینار 2047 تک ہندوستان کو ایک ترقی یافتہ ملک بنانے کے وزیر اعظم کے عزم کو پورا کرنے میں آئی سی اے آئی کے تعاون کے بارے میں ایک روڈ میپ پیش کرے گا۔اس پروگرام میں اراکین پارلیمنٹ فگن سنگھ کلستے، بانسوری سوراج اور دیگر معززین موجود تھے۔
