قصبہ رات بھر درود وازکار سے گونجتارہا، ضلع بھر میں سیکورٹی کے سخت انتظامات
عاصف بٹ
کشتواڑ// ہر سال کی طرح امسال بھی ضلع کشتواڑ میں شاہ فریدالدین بغدادی رحمتہ علیہ کے فرزند شاہ اسرارادین ولی بغدادیؒ کا348 واں عرس پاک نہایت ہی عقیدت و احترام کے ساتھ منایا گیا، جس میں ہزاروں کی تعداد میں لوگوں نے شرکت کی۔ ہر سال یہ عرس پاک 25 کارتک مورخہ 10 نومبر کو منایا جاتا ہے۔ جہاں ہزاروں کی تعداد میں عقیدت مند ملک کے کونے کونے سے تشریف لاتے ہیں اور یہاں منعقد ہونے والی تقریبات میں شرکت فرماتے ہیں۔سب سے بڑی تقریب کا اہتمام شاہ اسرارالدین بغدادیـؒ کے آستانِ عالیہ پر انجام دی گئیں جہاں نعت خوانی و درودازکار کی محفلوں کا اہتمام کیا گیا۔ خراب موسم کے باجود امسال زائرین کی بڑی تعداد جن میں مرد وخواتین و بچوں کی بڑی تعداد نے شرکت کی جبکہ مقامی لوگوں کی بڑی تعداد بھی شریک ہوئی۔ اور گزشتہ دو روز سے لوگ درگاہوں کا مسلسل رخ کر رہے ہیں۔اگرچہ خراب موسم کے پیش نظر کشتواڑ سنتھن شاہرہ آمدورفت کیلئے بند رہی تاہم باوجود اس کے باجود کشمیر سے سینکڑوں زائرین نے درگاہ میں حاضر دی اور اولیاء کرام نے شاہ اسرارالدین ولیؒ کی زندگی پر روشنی ڈالی گئی۔ لوگوں کو شاہ اسرارالدینؒ کے تبرکات سے واقف کرایا گیا۔
نماز جمعہ کے بعد تبرکات کی زیارت کرائی گئی جس میں بڑی تعداد میں مرد و زن شامل ہوئے۔اس موقع پر مقررین نے بتایا کہ شاہ اسرارلدین ولیؒ اپسی بھائی چارے کی مثال مانے جاتے تھے اور انکے کے قصے مشہور ہیں۔ وہ محض 18 سال کی عمر میں ہی اس اعلیٰ مقام تک پہنچ چکے تھے جہاں تک پہنچے میں پوری زندگی گزرجاتی ہیں۔ جبکہ انھوں نے کی کرشمات کئے تھے۔ جہاں پچھلے کئی روز سے عقیدتمندوں کی بڑی تعداد زیارت کا رخ کررہی تھے اور کی روز سے شاہ فریدالدین بغدادی و شاہ اسرالدین بغدادی کی زیارت گاہوں پر درودازکار کی محفلیں آراستہ کی جارہی تھی وہیں آج بھی نماز فجر سے درودخدمات کی مجلس منعقد ہوئی جسکے بعد نعت خوانی و تلاوت پاک کی گی جو نماز فجر تک جاری رہی۔ نماز کے بعد درگاہ میں دوبارہ محفلیں شروع ہوئی جو عصر تک جاری رہی۔بعد نماز مغرب درودازکار کی مجلس منعقد ہوئی جو نماز عشا تک جاری رہی جس کے بعد لوگوں نے رات بھر درگاہ میں شب خوانی میں گزاری اور یہ سلسلہ نماز فجر تک جاری رہا جبکہ نماز فجر کے بعد درودخدمات کی مجلس کے ساتھ ہی اختتام پذیر ہوگا ۔وہیں شاہ فریدالدین بغدادی کے استان عالیہ پر بھی عقیدتمندوں نے حاضری دی۔ شاہ اسرارالدین کے آستان پر بھی درودخددمات کی محفلیں منعقد وہی وقف بورڈ کی طرف سے عقیدتمندوں کیلئے کھانے پینے و قیام گاہ کا بھی اہتمام کیا گیاتھا جبکہ وقف بورڈ کی جانب سے خاطرخواہ انتظامات کئے گئے تھے تاکہ زائرین کو مشکلات پیش نہ ہو۔ اسکے علاوہ بھی مقامی لوگوں کی طرف سے آستان پائی میں کھانے پینے کا انتظام رکھا گیا تھا۔ ضلع بھر میں عرس کے موقع پر حفاظت کے سخت انتظامات کیے گئے تھے اور جگہ جگہ پولیس و پیراملٹری فورس کے اہلکار تعینات کئے گئے۔
