ہاکی انڈیا کا لیول ون کوچنگ کورس شروع

نئی دہلی/ہاکی انڈیا کا کوچنگ ایجوکیشن پاتھ وے لیول ‘ون’ کوچنگ کورس 2024 بدھ کو میجر دھیان چند نیشنل اسٹیڈیم میں شروع ہوگیا ہے ۔ اس پروگرام میں، 96 اخواہشمند ہندوستانی کوچ اپنی صلاحیتوں کو بڑھا سکیں گے اور کوچنگ کی جدید تکنیکوں کے بارے میں جان سکیں گے ۔ امیدواروں کو 24 کے چار بیچوں میں تقسیم کیا جائے گا، آخری بیچ کا کورس 14 نومبر کو ختم ہوگا۔ ہاکی انڈیا کے اساتذہ بی جے کریپا، وکرم کانت اور ایڈگر مسکارنہاس نو روزہ پروگرام کے ذریعے امیدواروں کی رہنمائی کریں گے ۔ لیول ‘ون’ کوچنگ کورس کی کامیابی کے بعد، امیدوار لیول ‘ٹو’ کوچنگ کورس میں داخلے کے اہل ہوں گے ۔اس پہل پر تبصرہ کرتے ہوئے ، ہاکی انڈیا کے صدر ڈاکٹر دلیپ ترکی نے کہا، “ہمیں 2024 کے لیے ہاکی انڈیا کوچنگ ایجوکیشن پاتھ وے لیول ‘ون’ کوچنگ کورس شروع کرنے پر خوشی ہے ۔ اس پروگرام کا ایک اہم مشن ہے کہ ہم اپنے کوچز کو جدید ترین ٹکنالوجی کے ساتھ بااختیار بنائیں۔ ہمیں یقین ہے کہ ہندوستان میں ہاکی کی ترقی اور کامیابی کے لیے اچھی تربیت یافتہ کوچ ضروری ہیں اور ہم انھیں وہ وسائل فراہم کرنے کے لیے پرعزم ہیں جن کی انھیں بہترین کارکردگی کے لیے ضرورت ہے ۔