عظمیٰ نیوزسروس
جموں// ڈپٹی کمشنر، کٹھوعہ نے گورنمنٹ ہائر سیکنڈری سکول بنی میں پیش آئے واقعے کی تحقیقات کے لیے تین رکنی کمیٹی تشکیل دی ہے۔ایک کمیٹی جس میں سب ڈویژنل مجسٹریٹ بنی، ڈپٹی چیف ایجوکیشن آفیسر کٹھوعہ (ہیڈکوارٹر بلاور) اور پرنسپل گورنمنٹ ایچ ایس ایس کھروٹے شامل ہونگے، 25 اگست 2023 کو گورنمنٹ ہائر سیکنڈری سکول بنی میں پیش آنے والے واقعے کی تحقیقات کرے گی۔ڈی سی کٹھوعہ کی طرف سے جاری کردہ ایک حکم نامے میں کہا گیا ہے کہ ’’کمیٹی کے تمام ارکان کو ہدایت دی گئی ہے کہ وہ معاملے کے بارے میں انکوائری کریں اور حقائق کی کھوج کی رپورٹ کے ساتھ مخصوص تبصروں اور سفارشات کو دو دن کے اندر اس دفتر میں پیش کریں تاکہ معاملے کو آگے بڑھایا جا سکے۔‘‘ مزید یہ کہ کمیٹی کو واقعہ کے حوالے سے ذمہ داروں کے خلاف ذمہ داری کا تعین کرنے کی بھی ہدایت کی گئی ہے۔دریں اثنا، دسویں جماعت کے ایک طالب علم کو اس کے سکول کے استاد نے مبینہ طور پر پیٹا جب اس نے اپنے کلاس روم کے بلیک بورڈ پر مبینہ طور پر کچھ لکھا جس پر سکول کے استاد اور مذکورہ سکول کے پرنسپل نے اعتراض کیا۔متاثرہ طالب علم نے دعویٰ کیا کہ ’’بلیک بورڈ پرلکھنے کے بعد مجھے لیکچررز اور پرنسپل نے مارا پیٹا‘‘۔ اسے متعلقہ اسپتال میں داخل کرایا گیا۔ تاہم، اس واقعے نے بنی بھر میں احتجاجی مظاہروں کو جنم دیا ہے اور لوگ غلطی کرنے والے استاد اور مذکورہ اسکول کے پرنسپل کے خلاف کارروائی کا مطالبہ کر رہے ہیں۔
Hig
