زاہد بشیر
گول//گول میں تقریباً ڈیڑھ دھائی سے زائد عرصہ سے بند پڑے تحصیل انفارمیشن دفتر کودوسری جگہ سرکاری عمارت میں منتقل کرنے کے بعد کام کاج کے لئے دوبارہ بحال کر دیا ۔ وہیں اس دوران گول میں مقامی سطح پر ایک پریس کلب بھی اسی عمارت میں کھولا گیا جہاں پر مقامی صحافیوں نے شرکت کی ۔ ڈی ڈی سی چیئرپرسن نے اس موقعہ پر کہا کہ قریباً ڈیڑھ دھائی سے گول میں تحصیل انفارمیشن دفتر بند پڑا ہوا تھا اور یہ ایک نجی عمارت میں تھا جہاں پر محکمہ کو عملہ کی شدید قلت کی وجہ سے اس دفتر کو اتنے عرصہ تک بند کرنا پڑا اور آج دوبارہ اس دفتر کو دوسری جگہ سرکاری عمارت (ایمپلائمنٹ عمارت) میں کھولا گیا ۔ حالیہ دنوں میں تحصیل انفارمیشن دفتر گول کو مکمل طورپر یہاں سے رام بن منتقل کرنے کا ایک حکم نامہ ضلع انفارمیشن آفیسر کی جانب سے جاری ہوا تھا جس پر ڈی ڈی سی چیئر پرسن نے فوری طور پر کاروائی کرتے ہوئے اس دفتر کو یہاں سے منتقل ہونے سے روکا اور آج اس دفتر کو ایمپلائمنٹ عمارت میں کھولا گیا ۔وہیں اس دوران اسی عمارت میں ایک کمرے میں پریس کلب کا بھی افتتاح کیا گیا جہاں پر صحافت و دیگر سیاسی سماجی لوگوں نے شرکت کی ۔اس موقعہ پرڈی ڈی سی چیئر پرسن شمشادہ شان کے علاوہ نیشنل کانفرنس کے سینئر لیڈر زونل نائب صدر گلزار احمد شان ، غلام عباس بیگ ، محمد اشرف میر کے علاوہ پریس کلب گول کے چیئرمین ایم شفیع میر ، صدرشبیر احمد وانی ،صحافی حافظ عبدالطیف ، غیاث الدین شاہ ، جاوید احمد لوہار ، مظفر احمد بٹ کے علاوہ دیگر لوگوں نے بھی شرکت کی ۔ پریس کلب کے قیام پر صحافتی برادری نے مسرت کا اظہار کیا اور کہا کہ اس سے صحافتی ذمہ داریوں کو نبھانے میں آسانی ہو گی اور ہمیں جس چیز کی کمی تھی وہ پوری ہو گئی ہے تا کہ ہم آزادانہ طور پر صحافتی ذمہ داریوں کو انجام دے سکیں۔
