نگروٹہ//سرکاری اسکولوں میں تعلیم کے معیارکو بہتر بنانے کے لئے حکومتی سطح پر متعدد اقدام اٹھائے جانے کے باوجود تعلیمی نظام کی صورتحال مایوس کن ہے جس کا اندازہ نگروٹہ تحصیل کی پنچائت جگٹی کے خستہ حال گورنمنٹ پرائمری اسکول جاڑی کی حالت زار سے لگایا جاسکتا ہے مقامی لوگوں نے بتایا کہ متذکرہ بالااسکول کی کوئی چار دیواری نہ ہونے کی وجہ سے مال مویشی اکثراسکول کے برآمدہ میںداخل ہوکر گوبر کردیتے ہیں جو کہ اسکول میںزیر تعلیم چھوٹے چھوٹے بچوں کو اُٹھانا پڑتا ہے اور اسکول کی عمارت کے ساتھ کنواں کا گندہ پانی جمع ہونے کی وجہ سے زبردست گندگی پھیلی ہوئی ہے جس سے اسکول میں زیر تعلیم بچوں کو بھاری مشکلات کا سامناہے اس ضمن میں بچوں کے والدین محکمہ تعلیم کی نہ تسلی بخش کارکردگی سے مایوس کُن ہیں مقامی لوگوں نے بتایا کہ اسکول میں زیر تعلیم اسکولی بچوں کے لئے جو بیت الخلا تعمیر کئے گئے ہیںان میں پانی وغیرہ کا کوئی انتظام نہ ہونے کی صورت میں چھوٹے چھوٹے بچوں کو رفع حاجت کے لئے بھی دردر کی ٹھوکریں کھانی پڑتی ہیںجس سے مرکزی سرکار کی طرف سے جاری سوچھ بھارت کے نعرہ کی پول کھلتی ہے ۔مقامی لو گوں نے سرکار سے خصوصی طور پرمطالبہ کیاہے کہ مندرجہ بالا اسکول میں درپیش مشکلات کا فوری اُجالا کیا جائے بصور ت دیگر لوگ سڑکوں پر نکلنے کے لئے مجبور ہوجائیں گے۔
گورنمنٹ پرائمری سکول جاڑی خستہ حالی کاشکار
