گورنر اور وزیراعلیٰ کا عوام کو رام نومی کی مبارکباد

سرینگر//گورنر این این ووہر ااور وزیراعلیٰ محبوبہ مفتی نے ریاستی عوام کو رام نومی کے موقعہ پر مبارک باد دی ہے۔اپنے مبارک بادی کے پیغام میں گورنر نے کہا ہے کہ تہواروں کا مل جل کر منانا، صدیوں پرانی روایات کا ایک اہم حصہ ہے اور ان کی بدولت مذہبی رواداری ، آپسی بھائی چارہ اور سیکولر اِزم کے رشتے مضبوط ہوجاتے ہیں۔گورنر نے ریاستی عوام کے لئے نیک خواہشات کا اظہار کیا ہے۔اس دوران وزیرا علیٰ محبوبہ مفتی نے اپنے مبارک بادی کے پیغام میں کہا ہے کہ یہ دِن ریاست کے لئے امن ، بھائی چارے اور ترقی و خوشحالی کی ایک نوید لے کر آئے۔