گورنراوروزیراعلیٰ کاڈاکٹر امبیڈکر کوخراج عقیدت پیش

جموں //گورنر این این ووہرا نے ڈاکٹر بی آر امبیڈکر کو اُن کے یومِ پیدایش پر خراج عقیدت پیش کیا ہے ۔ اپنے پیغام میں گورنر نے ڈاکٹر امبیڈکر کو ایک اعلیٰ درجے کا سکالر اور قانون دان قرار دیا ہے جنہوں نے ملک کے آئین کی تشکیل میں قابلِ قدر کام کیا ۔ گورنر نے مزید کہا کہ ڈاکٹر امبیڈکر نے ملک کی تعمیر خاص کر سماج کے کمزور طبقے کی بہبود کیلئے اپنے آپ کو وقف کیا ۔ علاوہ ازیںوزیر اعلیٰ محبوبہ مفتی نے بھارتی آئین کے معمار ڈاکٹر بی آر امبیڈکر کو اُن کے یومِ پیدایش پر خراجِ عقیدت پیش کیا ہے ۔ اپنے پیغام میں وزیر اعلیٰ نے ڈاکٹر امبیڈکر کو ایک اعلیٰ سماجی اصلاحکار اور قانون دان قرار دیا ہے جنہیں ملکی آئین کی تشکیل کیلئے ہمیشہ یاد رکھا جائے گا ۔ محبوبہ مفتی نے سماج کے پسماندہ اور کمزور طبقوں کی بہبود کیلئے بھی ڈاکٹر امبیڈکر کی خدمات کو یاد کیا ہے ۔