عظمیٰ نیوز ڈیسک
غزہ// غزہ میں گزشتہ 72گھنٹوں کے دوران اسرائیلی حملوں میں 119فلسطینی لقمہ اجل بن گئے۔غیر ملکی میڈیا کے مطابق غزہ میں سکول پر اسرائیلی حملے میں 22فلسطینی لقمہ اجل بن گئے۔ شہر کے مشرقی حصے میں واقع الزیتون اسکول میں درجنوں بے گھر فلسطینی خاندانوں نے پناہ لے رکھی تھی۔غزہ کی وزارت صحت کا کہنا ہے کہ گزشتہ 72 گھنٹوں کے دوران غزہ کے مختلف مقامات پر اسرائیلی حملوں میں کم از کم 119 فلسطینی لقمہ اجل اور 209زخمی ہوئے ہیں۔سات اکتوبر 2023سے شروع ہونے والی جنگ میں فلسطینی مہلوکین کی تعداد 41 ہزار 391ہوگئی جبکہ 95ہزار سے زائد زخمی ہیں۔
