نئی دہلی، 28 مارچ// حکومت نے کہا ہے کہ غیر منظم سیکٹر کے مزدوروں کے مفادات کو مدنظر رکھتے ہوئے ایک ’ای شرمک پورٹل‘ تیار کیا گیا ہے جس میں روزگار کے ساتھ ساتھ مزدوروں کو فراہم کی جانے والی تمام سہولیات کی تفصیلات بھی موجود ہیں۔ پیر کو ایوان زیریں لوک سبھا میں ایک ضمنی سوال کے جواب میں وزیر محنت بھوپیندر یادو نے کہا کہ مزدوروں کو خصوصی اہمیت دیتے ہوئے ان کے مفاد کے لیے کئی اقدامات کیے گئے ہیں۔ مرکزی حکومت کی جانب سے غیر منظم شعبے کے مزدوروں کو خود انحصاری اسکیم کے تحت روزگار دیا جارہا ہے اور انہیں کس شعبے میں کتنا روزگار ملا ہے اس کا پورا حساب کتاب مرکزی حکومت کے پاس دستیاب ہے۔مرکزی وزیر نے کہا کہ غیر منظم شعبے کے مزدوروں کے فائدے کے لیے ’ای شرمک پورٹل‘ تیار کیا گیا ہے جس میں 27 کروڑ کارکنوں نے رجسٹریشن کرایا ہے۔ حکومت نے صرف چھ ماہ میں یہ کارنامہ انجام دیا ہے۔ اس کام میں کامن سروس سینٹرز سے کافی تعاون مل رہا ہے۔ غیر منظم شعبے کے لیے مزدوروں کے لیے پنشن، صحت وغیرہ جیسی سہولیات کے لیے اقدامات کیے گئے ہیں۔
گزشتہ چھ مہینوں میں ’ای شرمک پورٹل‘ پر 27کروڑ رجسٹریشن
