عظمیٰ نیوز سروس
سرینگر// موسمیاتی مرکز سرینگر نے جموں و کشمیر کے لیے ایک تازہ موسمی ایڈوائزری جاری کی ہے، جس میں آنے والے دنوں میں مرکزی زیر انتظام علاقے کے مختلف حصوں میں گرج چمک کے ساتھ بارش کی پیش گوئی کی گئی ہے، جس سے کئی پہلاڑی علاقوں میں ممکنہ سیلاب اور لینڈ سلائیڈنگ کا خطرہ ہے۔اس میں کہا گیا ہے کہ30 جون کی شام سے موسم جزوی طور پر ابر آلود رہنے کی توقع ہے اور بکھرے ہوئے مقامات پر بارش/گرج چمک کے ساتھ ہلکی بارش ہوگی۔ جموں ڈویژن کے کچھ علاقوں میں ہلکی بارش کا امکان ہے۔1-5 جولائی کے درمیان جموں و کشمیر میں بکھرے ہوئے مقامات پر وقفے وقفے سے گرج چمک کے ساتھ بارش متوقع ہے۔جولائی 6-8 کے درمیان ایک بار پھرمرکز کے زیر انتظام علاقوں میں بہت سے وسیع مقامات پر وقفے وقفے سے بارش/گرج چمک کے ساتھ بارش کا امکان ہے۔پہاڑی علاقوں اور شاہراہوں پر مٹی کے تودے اور پتھرگرنے کے ساتھ ساتھ خطرناک مقامات پر سیلاب کا خطرہ ہے۔کسانوں کو مشورہ دیا گیا ہے کہ وہ اپنے زرعی کام جاری رکھیں، کیونکہ زیادہ تر علاقوں میں موسمی حالات سے زراعت کی سرگرمیوں میں نمایاں طور پر رکاوٹ کی توقع نہیں ہے۔محکمہ نے رہائشیوں اور مسافروں پر زور دیا ہے کہ وہ ہوشیار رہیں، خاص طور پر لینڈ سلائیڈ کے شکار علاقوں میں، اور مقامی حکام کی طرف سے جاری کردہ ایڈوائزری پر عمل کریں۔ادھر وادی کشمیر میں گرمی کی شدید لہر جاری ہے۔سرینگر میں پیر کو درجہ حرارت 34.5ریکارڈ کیا گیا۔قاضی گنڈ میں 33.6،پہلگام میں 30.2،کپوارہ میں 34.2،کوکر ناگ میں 33.6 اور گلمرگ میں 25.0ڈگری درج کیا گیا۔جموں میں درجہ حرارت 32.3درج کیا گیا۔ بانہال میں 29.8، بٹوٹ میں 28.3، بھدرواہ میں 32.1اور کٹرا میں 30.2درج کیا گیا۔لیہہ میں 28.1اور کرگل میں 30.8ریکارڈ کیا گیا۔
