عظمیٰ نیوزسروس
رام بن //ا ینٹی کرپشن بیورو نے ہفتہ کو رام بن کے سناسر علاقے میں 40,000روپے رشوت طلب کرنے اور قبول کرنے کے الزام میں محکمہ مال کے ایک اہلکار کو گرفتار کیا۔اے سی بی کی طرف سے یہاں جاری کردہ بیان میںکہا گیا کہ اے سی بی بیورو کو ایک تحریری شکایت موصول ہوئی جس میں الزام لگایا گیا کہ ایک سرکاری ملازم فاروق احمد، گردوار سناسر، ضلع رام بن نے مطلوبہ شکایت کنندہ کے فرض کیس کی کارروائی کے لیے رشوت کے طور پر 60ہزارروپے رشوت طلب کی ہے۔انہوں نے بتایا کہ بات چیت کے بعد یہ سودا 40,000 روپے میں طے پایا۔تاہم شکایت کنندہ نے رشوت نہ دینے کا انتخاب کیا اور قانونی کارروائی کے لیے اینٹی کرپشن بیورو سے رجوع کیاتاکہ ملزم سرکاری ملازم کے خلاف قانون کے تحت کارروائی کی جائے۔انہوں نے کہا کہ شکایت موصول ہونے پر، ایک محتاط تصدیق کی گئی جس سے متعلقہ سرکاری ملازم کے مطالبے کی تصدیق ہوتی ہے اور اس کے مطابق سیکشن 7پی سی ایکٹ 1988 کے تحت 2024 کا مقدمہ ایف آئی آر نمبر 02 پولیس سٹیشن اے سی بی، ڈوڈہ میں درج کیا گیا اور تحقیقات کی گئی تھی۔ان کا کہنا تھا کہ مقدمہ درج کرنے کے بعد ایک خصوصی ٹیم تشکیل دی گئی اور جال بچھا دیا گیا۔ٹیم نے ملزم سرکاری ملازم کو سناسر میں شکایت کنندہ سے 40,000 روپے کی رشوت مانگتے اور قبول کرتے ہوئے رنگے ہاتھوں پکڑ لیا۔ان کا کہنا تھا کہ سرکاری اہلکار فاروق احمد (گرداوار) سناسر کو اینٹی کرپشن بیورو کی خصوصی ٹیم نے موقع پر ہی گرفتار کر لیا۔ٹریپ ٹیم سے وابستہ آزاد گواہوں کی موجودگی میں اس کے قبضے سے رشوت کی رقم (40,000) بھی برآمد ہوئی۔
