سمیت بھارگو
راجوری// بڈھال گائوں میں حکام نے ایک چشمہ کو سیل کرنے کے بعد محمد رفیق کی رہائش گاہ کے قریب واقع پانی کے کنویں کو بھی سیل کر دیا ہے، جہاں خاندان کے چار افراد پراسرار حالات میں ہلاک ہو گئے ہیں۔اس تازہ کارروائی میں، قدرتی پانی کے کنویں کو کنسرٹینا تار سے گھیر لیا گیا ہے، اور پولیس اور مرکزی مسلح افواج کو تعینات کیا گیا ہے تاکہ یہ یقینی بنایا جا سکے کہ کوئی بھی پانی کا استعمال نہ کرے۔کنویں کو سیل کرنے کا فیصلہ پانی کے نمونوں میں کیڑے مار دوا کے نشانات کے مثبت آنے کے بعد کیا گیا ہے۔ایڈیشنل ڈسٹرکٹ مجسٹریٹ کوٹرنکا دل میر نے اس اقدام کو ایک احتیاطی اقدام قرار دیتے ہوئے کہا کہ جب کہ کیڑے مار دوا کی سطح معمولی اور غیر نقصان دہ تھی، احتیاطی تدابیر اختیار کرنا ضروری تھا۔”کنویں کے پانی کے نمونے میں کیڑے مار دوا کے نشانات تقریبا ًنہ ہونے کے برابر ہیں اور یہ مقدار زیادہ تر پانی کے ایسے ذرائع اور انسانی جسم کے اندر بھی پائی جاتی ہے۔” ۔انہوں نے کہا”تاہم ہم اس گائوں میں ایک مختلف صورتحال سے نمٹ رہے ہیں اور ہر احتیاطی تدابیر اختیار کی جا رہی ہیں اور یہ بھی ان میں سے ایک ہے۔” ۔
