اومکار کرمبیلکر
موٹر سائیکل چلاتے وقت ہیلمٹ پہننا قانونی طور پر لازم ہے اور یہ سڑک حادثے کی صورت میں آپ کی جان بچا سکتا ہے۔ تاہم بہت سے لوگوں کا دعویٰ ہے کہ ہیلمٹ پہننے سے بالوں کو نقصان پہنچتا ہے۔کچھ لوگ کہتے ہیں کہ سر کی کھال سے جڑا ہیلمٹ کھوپڑی پر دباؤ ڈالتا ہے جس سے سر پر پسینہ جمع ہوتا ہے اور اس سب کے نتیجے میں بال کمزور ہو جاتے ہیں۔ دوسروں کا خیال ہے کہ ہیلمٹ میں جمع ہونے والی دھول، گندگی یا فنگل انفیکشن بالوں کی جڑوں کو متاثر کر سکتے ہیں۔ ان دعوؤں میں کتنی صداقت ہے؟ طبی ماہرین کے مطابق ان دعووں کی کوئی سائنسی بنیاد نہیں ہے۔ تاہم ہیلمٹ بعض اوقات سر پر رگڑ کا باعث بن سکتا ہے اور اس کی سر پر موجودگی سے سر کی کھال پر پسینہ جمع ہو سکتا ہےاوراگر ہیلمٹ کا اندر کا حصہ گندا ہے، بہت تنگ ہے، یا دھوپ میں سڑ چکا ہے تو یہ آپ کے بالوں کو متاثر کر سکتا ہے۔تاہم ہیلمیٹ پہننا بالوں کے گرنے کی واحد وجہ نہیں ہے۔ہارمونل تبدیلیاں، جینیات اور طرز زندگی کے عوامل بھی بالوں کے گرنے میں حصہ ڈال سکتے ہیں۔کم عمری میں بالوں کا گرنا کوئی معمولی بات نہیں ہے۔ اس کے پیچھے بہت سی وجوہات ہو سکتی ہیں اور ان کی نشاندہی کرنا ضروری ہے۔ممبئی کے جسلوک ہسپتال اور ریسرچ سینٹر کے شعبہ ڈرمیٹالوجی اور ٹرائیکالوجی میں کنسلٹنٹ ڈاکٹر میتھلی کامت کا کہنا ہے کہ ’ہارمونز کے عوامل یعنی ہارمونز میں تبدیلی بالوں کے گرنے کی ایک بڑی وجہ ہے۔ خواتین میں تھائیرائیڈ اور پی سی او ڈی جیسے عوامل بالوں کے گرنے کا سبب بن سکتے ہیں۔‘تاہم ’مردوں میں جینیاتی عوامل زیادہ اثرانداز ہوتے ہیں۔ اس کے علاوہ بیماری، وٹامن کی کمی، آئرن کی کمی اور تمباکو نوشی کی عادت بھی بالوں کے گرنے میں تیزی لاتی ہے۔‘ایک ماہر امراض جلد ڈاکٹر شریفہ چاؤسے کہتی ہیں کہ ’’بہت زیادہ تنگ ہیلمٹ پہننے سے بالوں کی جڑیں کمزور ہو سکتی ہیں۔‘‘’ایسا ہیلمٹ پہننا جو مناسب طریقے سے سر پر فٹ نہیں ہوتا، اس سے کھوپڑی پر خارش، پسینہ آنا اور فنگل انفیکشن ہو سکتا ہے۔بقول اُن کے’ ’ہیلمٹ کھوپڑی پر قدرے گرم اور نم ماحول پیدا کرتا ہے۔ وہاں پسینہ جمع ہوتا ہے، جس سے فنگس یا بیکٹیریا بڑھنے لگتے ہیں۔ یہ فنگس کھوپڑی کی جلد کو متاثر کر سکتی ہے۔‘‘اس لئے اپنے بالوں کو ہمیشہ صاف رکھیں اور مناسب طریقے سے وینٹ ہیلمیٹ پہنیں، اپنے ہیلمٹ کو صاف رکھیں اور ایسا کرنے سے آپ بہت سے مسائل سے بچ سکتے ہیں۔ہیلمٹ کے نیچے رومال یا سکارف باندھنا چاہیے اور سر پر موجود اس کپڑے کو روزانہ دھو کر خشک کرنا چاہیے۔بالوں کا گرنا بہت سے عوامل کی وجہ سے ہوتا ہے جن میں ہارمونز، جینیات، غذائیت اور تناؤ شامل ہیں۔تاہم ہیلمٹ یقینی طور پر واحد وجہ نہیں ہیں۔ لہٰذا محفوظ سفر کے لیے ہیلمٹ پہننا جاری رکھیں، لیکن اپنے بالوں کی صحت کا خیال رکھنا بھی نہ بھولیں۔اگر آپ طرز زندگی میں بڑی تبدیلیوں پر غور کر رہے ہیں، جیسے کہ غذائی تبدیلیاں، طبی علاج، ادویات یا جسمانی ورزش، تو یہ ضروری ہے کہ آپ ڈاکٹر اور ایک مستند ٹرینر سے مشورہ کریں۔بہتر ہے کہ ڈاکٹر کے ساتھ اپنے جسم اور علامات کا اچھی طرح سے جائزہ لیں اور صرف ان کے مشورے کی بنیاد پر طرز زندگی میں تبدیلیاں کریں۔(بی بی سی)
