اودہمپور//انٹر سکول ہینڈ بال ٹورنامنٹ برائے انڈر 17 بوائیز /گرلز آج یہاں سپورٹس سٹیڈیم میں اختتام پذیر ہوا ۔ پشو پالن و بھیڑ پالن کے وزیر عبدالغنی کوہلی اس موقعہ پر مہمانِ خصوصی کی حثیت سے موجود تھے جبکہ ڈپٹی کمشنر اودھمپور رویندر کمار نے مہمانِ ذی وقار کی حثیت سے تقریب میں شرکت کی ۔ وزیر موصوف نے کہا کہ اس طرح کے کھیل مقابلوں کی بدولت نوجوانوں کی مجموعی نشو و نما کو فروغ حاصل ہوتا ہے انہوں نے نوجوانوں پر زور دیا کہ وہ تعلیمی سرگرمیوں کے ساتھ ساتھ کھیل سرگرمیوں میں بھی بڑھ چڑھ کر حصہ لیں انہوں نے کہا کہ ایسا کرنے سے اُن کے جسمانی و ذہنی نشو و نما کو تقویت حاصل ہو گی ۔ انہوں نے منتظمین کو ہدایت دی کہ وہ اس طرح کے کھیل مقابلے دیگر علاقوں میں بھی منعقد کریں تا کہ نوجوانوں کو اپنی صلاحیتوں کا مظاہرہ کرنے کا موقعہ ملے ۔ اس موقعہ پر ضلع ترقیاتی کمشنر نے بھی خطاب کیا اور منتظمین کی تعریف کی ۔ بعد میں وزیر نے جیتنے والی اور رنر اپ ٹیمز میں ٹرافیاں اور میڈل تقسیم کئے ۔ اس موقعہ پر مختلف محکموں کے کئی اعلیٰ افسران بھی موجود تھے ۔
کھیل کود نوجوانوں کی مجموعی نشو و نما کیلئے لازمی : کوہلی
