کھو کھو، کبڈی، والی بال، شطرنج اور کیرم

عظمیٰ نیوز سروس

جموں//انڈر 19 لڑکوں کے عمر گروپ کے لیے کھو کھو، کبڈی، ٹگ آف وار، والی بال، شطرنج اور کیرم کے کھیلوں کے میں بین زونل ضلعی سطح کے مقابلے منگل کو یہاں کھیل گوان نگروٹہ میں شروع ہوئے۔ان مقابلوں کا انعقاد ڈسٹرکٹ یوتھ سروسز اینڈ سپورٹس آفس جموں نے ڈائریکٹوریٹ آف یوتھ سروسز اینڈ اسپورٹس جموں و کشمیر کی نگرانی میں کیا تھا۔ یہ ٹورنامنٹ ڈائریکٹر یوتھ سروسز اینڈ سپورٹس جے کے سباش چندر چھیبر اور جوائنٹ ڈائریکٹر یوتھ سروسز اینڈ اسپورٹس جموں سورم چند شرما کی سرپرستی میں منعقد کیا جا رہا ہے۔ مقابلوں میں 72 ٹیموں کے تقریباً 700 کھلاڑیوں نے مختلف کھیلوں میں حصہ لیا۔ مقابلوں کا بنیادی مقصد اگلے درجے کے مقابلوں کے لیے بہترین ٹیم کا انتخاب کرنا ہے۔ کھلاڑیوں نے بہتر پوزیشن حاصل کرنے کے لیے اپنی بہترین ممکنہ سطح پر کارکردگی کا مظاہرہ کیا۔ان مقابلوں کی ذمہ داری محکمہ کے ماہرین کے پینل، کنوینرز اور دیگر تکنیکی عہدیداروں نے انجام دی جو ان مقابلوں کے بخوبی انعقاد کے لیے تعینات تھے۔